Ang Impiyerno ni Belen - 2

Gula 102

Mag-una ko’g check in sa usa ka hotel didto sa Subic. Inig dunggo sa barkong gisakyan ni Roger, moagpas dayon siya nako sa hotel ug didto tagbawon namo ang among kaugalingon pagtagay sa lawasnong kalipay. Ipahungaw namo ang among kamingaw sa usa’g-usa.

Inig balik nako sa Sugbu, si Galen ang mosugat nako sa airport. Usahay modiretso mi sa balay nga akong gipuy-an sa Talisay. Pero may mga higayon nga motsek-in ra mi sa usa ka hotel kay si Galen dili na makapugong sa ulyahot sa iyang biga nga gusto nang makahungaw.

Matag bulan, makadawat ko’g allotment gikan ni Roger. Ang kuwarta nga akong madawat sobra kaayo alang sa akong panginahanglan. Gituman ko ang sugyot ni Roger nga mag-open ko’g account sa banko diin adto nako ipundo ang kuwarta nga gipadala niya kanako.

Hayahay ang akong kahimtang. Gawas nga buhong ko sa materyal nga mga butang nga mapalit sa kuwarta, pura sad ko sa lawasnong kalipay. Kay bisan nanakay si Roger sa barko, makahigayon man mi sa panagkita kun modunggo ang barkong iyang gialagaran sa Subic. Gawas pa, naa pud si Galen nga hangol pud kaayo sa akong unod. -- Sumpayan pa