Kadtong bag-ong silingan nilang Sito

Bag-ong silingan nila ni Sito ang magtiayong Duardo-Daylin. Ingo’g pupareho ra niya’g pangidaron. Pulos pa sila mga batan-on. Si Duardo pag-umangkon sa tag-iya sa maong balay nga ilang Noy Cesar ug Nang Marta.

Dugay nang way tawo ang mao nilang balay kay sa miaging tuig gikuha kini sila sa ilang mga anak nga atua na mamuyo ug manarbaho sa California, sa Amerika. Si Nympha nga ilang kamaguwangan usa ka nurse ug ang manghod niining si Dino usa ka electrical engineer.

Drayber si Duardo sa Autobus nga nagbiyahean gikan sa Hagnaya ngadto’s Sugbo. Ug gabii nang dako nga mahiuli sa ila sa Bogo. May higayon gani nga di gyod mauli kun may diperensiya ang trak.

Ug pastilan, mga pipila pa lang gani ka adlaw sukad sila si Sito nga nagkasilingan, nakigsuod na kaniya ang babaye kay matud niini laayan siyang mag-urong sa balay nga morang usa. Igo ra siyang nakahuma’g panihapon, gitawgan si Sito sa maong babaye. Wa man sab go’y laing kauban sa balay si Sito kay niadtong higayona sila’s Papa Sebyo ug Mama Mityang niya atua paghidaa sa iyang igsoon nga nanimuyo sa silingang lungsod. Sila unay pabantayon sa gamay'ng negosyo niini samtang di pa manguli silang magtiayon gikan sa Cebu.

Ingo’g pupareha ra niya’g edad ang babaye. Apan sa dihang didto na siya sa nataran, sa iyang pagsangpit niini, gitubag lang siya nga pasak-on. Gitulod niya ang tinakpang pultahan ug sa pagkaabli niini, bisag awop ang kahayag sa gamay'ng bombilya, nahasibog siya sa iyang nakita ni Daylin nga naghigda sa kama. Nagsul-ob ra kini’g nipis nga blouse ug way pupanaganang niatubang kaniya bisag nagdaylang ang way bra niining bigot ug ugdong dughan. Nanuyhakaw ang pulos tughoy nga moto sa mga dughan niini.

Mobiya unta dayon si Sito apan nidali sa pagtindog ang babaye ug gibira siya niini sa pagpalingkod dayong higda niini’g balik sa kama.

"Hilota rang tiyan ko. Nagsakit!" Nagping-it kini nga nidali sa pagbira sa toong kamot ni Sito.

May ingog diyotay'ng kainit nga nakapaalingaang sa iyang kahiladman sa dihang nahaklap sa tiyan ang iyang tuong palad. Mahunol-hunol sama’s kutson nga nag-alingaang sa kainit. Nag-aliwaros ang wa niya hisabting pagbati ilawom sa iyang dughan. Hangtod nakasahil siya sa bisog nga moto sa dughan. Nikuligsiw siya samang gipaanod lang gihapon niya ang iyang palad sumala sa gusto sa babaye nga nagsige’g ingon: "diri...diri ay....ay...ay.... kanindot! Kalamiii!"

Apan kalit siyang nitindog sa dihang dihay nasahilan sa iyang mga tudlo didto sa ubos sa pus-on. Nisirit siya sa pagkanaog. Maoy iyang nahadlokan kun hiabtan ni Duardo. Patay siya sa sundang niini. Nanawag pa si Daylin apan wa na siya magtagad.

Pagka kaadlawon, maoy iyang nadungog ang panaglalis sa magtiayong silingan. Apan ang babaye maoy langas kaayo.

"Inutil kang pagka lalaki! Way pulos!!! Puwerting pagmahay kong naminyo nimooo!!! Nisiyaok si Daylin.

"Di ba giingnan tikang mosugot lang ko nga anaay makapaanak nimo? Kay di man ko makahimo sa pagpaanak nimo, mao nang hatagan tikag lugar nga..."

"Diha bitaw unta to pero ... nag-ayo lang ang hitsura, di diay makamao!" ingog nanglipaghong si Sito sa pagka dungog niya niini. (Kataposan)