Ang Impiyerno ni Belen - 2

Gula 100

Wala sab ko magkulang pagtubag sa biological needs ni Roger aron dili siya magduda nga nakigdula ko sa laing team.

Kun unsa kainit ang akong pagpakigpinarayganay ni Galen, palabwan ko pa kini kun si Roger ang akong kasawo sa pagtagay sa lawasnong kalipay. Lipayon gyud nako’g maayo si Roger.

Paglabay sa kapin sa duha ka bulan, nakadawat si Roger og tawag gikan sa ilang agency sa Manila. Kinahanglan kunong mo-report dayon siya ngadto sa ilang buhatan sa kaulohan.

Nangandam dayon si Roger.

“Pag-ayoayo dinhi, ha, Belen,” giingnan ko ni Roger sa dayon na niyang sulod sa departure area sa Mactan aron molarga na paingon sa Manila.

“Ikaw sab,” nako pa. “Pag-ayoayo. Pag-amping. Ug good luck. Magpaabot ko sa imong pagbalik.”

Sa didto na si Roger sa Manila, kanunay ming magkontakay pinaagi sa cellphone. Usahay manawag siya sa landline sa balay. Kanunay ko niyang hatagan og update bahin sa iyang lakaw didto sa Manila.

Gimingaw na kuno siya nako. May mga higayon nga mag-phone sex mi. Usahay, kay may internet connection man lagi sa balay, mag-sex mi online. (Mora gyud mi’g mga buang!) -- Sumpayan pa