Gula 97
“Wa ka ba diay kapoya sa biyahe?” Gipangutana ko si Roger.
“Wa man,” maoy iyang tubag. “Sagdi lang. Tingbon ko lang ang pagpahuway unyang gabii.”
Ug namiya mi sa balay. Sakay sa Crosswind nga gipangunayan pagmaneho ni Roger, nangadto mi sa dakbayan sa Sugbu. Sa usa ka luhong kan-anan sa uptown area, nisulod mi. Nangaon mi didto.
“Kumosta ang imong tuyo didto sa Manila?” Gipangutana ko siya samtang nangaon mi.
“Dili na madugay, Belen,” maoy iyang tubag. “Makabalik na ko’g panakay sa barko. Magpaabot na lang ko’s tawag gikan sa among agency.”
Human sa pangaon, namalik dayon mi sa among gipuy-an sa Talisay.
Tinuod gyud nga wala kapoya si Roger sa iyang pagbiyahe gikan sa Manila paingon sa Sugbu. Kay sa among pag-abot sa balay gikang nangaon sa gawas, abi ko’g mangatulog na dayon mi, pero si Roger nagpakitag ilhanan nga kondisyon kaayo siya.
Maong gipahungaw namo ang among kamingaw sa usa’g-usa pinaagi sa lawasnong panagtagbo. Naka-score mi’g kaduha. Unya nangatulog mi nga naggaksanay sa usa’g-usa hangtod sa kabuntagon. -- Sumpayan pa