Ang Impiyerno ni Belen - 2

Gula 88

Nagpadayon ko sa pagsukodsukod sa gi-display nga mga sapatos. Giapongan ko sa sales lady nga nagpaabot nga paliton nako ang sapatos nga akong gipangsukod. Sa kadugayan, mora’g gipul-an ang sales lady sa pagpaabot. Iya kong gibiyaan ug gi-entertain ang laing kustomer.

Unya, samtang nagpadayon pa ako sa pagpanukod sa gi-display nga mga sapatos, dihay kamot nga mitugpa sa akong abaga. Milingi ko aron pagsuta kinsay tag-iya sa maong kamot. Ug nakugang ko. Si Galen ang akong nakita.

Kalit lang kong gikulbaan dihang nakita nako si Galen. Nakalitan ko pag-ayo. Wala ko magdahom nga magkakita kami.

“Salamat nga nagkita na gyud ta,” nagkanayon si Galen. “Mahimo bang mangita ta’g dapit nga magkasulti ta’g maayo?”

“U-unsay imong tuyo?” Gipangutana ko siya.

“Importante kaayo,” niya pa. “Please...”

Naghinuktok ko sa makadiyot. Unya nakahukom kong pakigsultihan si Galen aron mahusay na ang tanan.

Nanaka mi ngadto sa foodcourt. Mi-order si Galen og pagkaon.

“Iced tea na lay ako,” giingnan ko siya. “Nakapanihapon na ko.” -- Sumpayan pa