Ang Impiyerno ni Belen - 2

 Gula 79

“Di kaha sila masuko?”

“Posibleng masuko gyud. Pero gibuhat ko kini kay kun mananghid ko nila, nakaseguro kong dili sila mosugot nga makig-live-in ko nimo.”

“Pero puyde man tang magpakasal.”

“Di pa lagi ko gusto’g kasal. I prefer sa live in kay dili lisod ang pagbulag kun di magkasinabtanay.”

“Nagplano ka ba diay sa pagpakigbulag nako, Belen.”

“Wa man. Pero everything can happen in the future. Di ta makatagna sa dagan sa panahon.”

Wala na magtingog si Roger.

Paglabay sa kapin sa usa ka oras, midunggo na ang SuperCat sa pier sa dakbayan sa Sugbu.

Pagkanaog namo sa SuperCat, migawas dayon mi sa pier. Nagpahatod mi’g taxi ngadto sa Talisay City. Kay sa SRP man mi niagi, kadali ra ming nakaabot sa barangay San Isidro nga maoy gipuy-an ni Roger.

Hamugaway ang balay ni Roger. Dos andanas kini. Luag ang sala. Kompleto sa kahimanan. May internet connection. May banyo ang matag kuwarto. May komon sab nga banyo nga nahimutang sa may kusina.

Sumala sa gisugilon ni Roger nako, napalit niya ang maong balay gikan sa kauban niyang seaman nga atua na nanimuyo sa Manila. -- Sumpayan pa