Nalangan nga kabuntagon

Gula 53

“Tungod sa nahitabo nato. Nga nagkaunay ta. Maayo gani kay wala ta baliwa.”

Wala makatingog si Destiny. Apan sa iyang panumdoman, nabanhaw kadtong nahitabo kanila sulod sa bus diin giabibahan sila sa bagis nga mga adik samtang nag-sex sila.

Misulod sila sa National Book Store sa SM. Namili si Evan og libro nga gustong paliton niini. Namili usab si Destiny og mga libro. Miadto siya sa nahimutangan sa mga pocketbooks. Namili siya’g maayong titulo sa romance novel nga pocketbook. Iyang gitagsatagsa pagbasa ang synopsis nga nahimutang sa luyong bahin sa pocketbook.

“Nakapili ka na?”

Naigking si Destiny pagkadungog sa tingog ni Evan gikan sa iyang luyo. Sa iyang paglingi, iyang nakita nga nagbitbit na kini og dakong libro.

“Duna sab kay paliton?” Sukit ni Evan.

“W-wala,” mubo niyang tubag.

“Ako na ning bayran.”

“Unsa man kanang libroha?”

Gipabantang ni Evan kaniya ang atubangang bahin sa libro. Nasuta ni Destiny nga libro diay kini bahin sa body-building nga sinulat ni Arnold Schwarzeneger.

Gikang nagpalit og libro, milahos sila sa outlet sa KFC ug nangaon. Si Destiny ang nagpili kun unsay ilang kan-on. -- Sumpayan pa