Nalangan nga kabuntagon

Gula 45

Wala motubay si Evan sa iyang gisulti. Gikuha niini ang tualya nga gisagbay sa sandiganan sa usa ka silya nga diha nahimutang sa lagwerta.

“Ako na,” gikuha ni Destiny ang tualya gikan sa kamot ni Evan aron siya nay mopahid sa mga singot niini.

Mitalikod si Evan aron maoy unahon niya’g pahid ang mga singot sa likod niini.

“Tua na sila si Daddy?” Nangutana si Evan.

“Mao pa lang gyu’y pagbiya,” maoy tubag. “Wa diay ka makadungog sa andar sa sakyanan sa ilang pagbiya.”

“Wa ko makadiparal. Di kaayo madungog dinhi sa luyo.”

“Nahasol baya ko sa gisulti ni Daddy.”

“Ang hain niadto?”

“Kadtong iyang gisulti nga pabisitahon ka ni Allison sa dili pa kita mamalik ngadto sa siyudad.” Giuli niya ang tualya ngadto kang Evan human niya’g pahid sa mga singot niini.

“Unsa may imong gikahasolan niadto?” Sukit sa maguwang dayong sagbay sa tualya sa abaga niini.

“Di ko gustong makigkita ka ni Allison.”

“Ngano man?”

“Wa ko makagusto niadtong babayhana. Di nako siya type para nimo.” -- Sumpayan pa