Nalangan nga kabuntagon

Gula 33

Diha pa molihok si Evan.Naghubo kini. Mihugyaw ang mga adik nga nahimuot pagkakita sa lawas sa ulitawo nga wala nay salimbong samtang nagbarog kini sa atubangan ni Destiny.

“Wow!” Tuaw sa usa ka adik. “Macho si Tsong!”

Gitukmod si Evan sa usa ka adik. Nahapaumod ang ulitawo ngadto sa hubo nga lawas ni Destiny nga naghayang sa paghigda sa lingkoranan.

Nangatawa ang mga adik.

Nagkatagbo ang tinan-awan nila ni Destiny ug Evan samtang nag-ubo ang ulitawo sa ibabaw niya. Nabatyagan ni Destiny ang kainit sa hubong lawas sa maguwang nga midapat sa wala’y salimbong usab niyang lawas.

“Sige na,” mando sa usa ka adik nga mition sa pistolang gigunitan niini ngadto sa ulo ni Evan. “Sugdi na ninyo ang live show kay naghinamhinam na kaming motan-aw.”

Nagkatinutokay na usab sila si Destiny ug Evan. Unya nahapiyong si Evan dihang giduot sa adik ang sumbohan sa armas nga gigunitan niini sa ulo sa ulitawo.

“P-pasayloa ko, Sis,” hagawhaw ang tingog ni Evan.

Wala motingog si Destiny. Alang kaniya, dili angay mangayog pasaylo si Evan. Dili kagustohan niini ang mahitabo kanila. Dili usab niya kagustohan. Gipangayo kini sa kahigayonan.

“Sige na, Tsong,” subling apura sa adik. “Bida sad, uy!” -- Sumpayan pa