Nalangan nga kabuntagon

Gula 31

Ingon sa naglagot na ang adik nga wala gayod maggunok si Evan. Giduot niinig maayo ang sumbohan sa gigunitang armas sa agtang sa ulitawo.

“Unsa man?” Gipahunat si Evan sa adik. “Dili ka motuman sa gusto namong ipabuhat kanimo?”

“D-dili kana namo mahimo,” nagkurog ang tingog nga namulong si Evan. “Tu-tungod kay...”

Wala na matiwas ni Evan ang buot isulti niini. Nasayod si Destiny nga buot untang tug-anan sa iyang maguwang ang mga adik nga managsuon sila. Apan gipa-um-om kini sa adik sa sumbohan sa armas niini maong wala na kini makatingog. Labihang kuyawa ni Destiny.

“Pagpili,” gipahunat na usab si Evan sa adik. “Makig-sex ka sa imong hinigugma? O ako ang makig-sex kaniya?”

Nagkatinutokay na usab sila si Destiny ug Evan. May mga pangutana nga gipasupot ang ilang mga tinan-awan. Mga pangutana nga sila mismo wala masayod kon unsay tubag.

Nasuta karon ni Destiny nga wala na sila’y kapaingnan si Evan. Kon magdumili si Evan pagsanong sa gustong mahitabo sa mga adik, mabuong gihapon ang iyang kadungganan. Ug siya ang mas alaot kon dili mosanong si Evan sa gimando sa adik kay kini man maoy mopusgay sa iyang pagka-babaye.

Kadali rang nakapakanaog og hukom si Destiny. Mas palabihon pa niya nga ang kaugalingon niyang igsuon maoy makapusgay sa iyang kaputli kay sa ang bagis nga adik maoy makauna sa iyang pagkababaye. -- Sumpayan pa