Gula 54
“A-asa man ta? Nakapangutana ko.
“Sa La Union. May sugaton tang mga butang.”
Wala ko makasabot kun unsay kahulogan sa giingon ni Galen nga “butang” nga among sugaton sa La Union. Gipasabot ko ni Galen nga ang giingon niyang “butang” mao ang shabu.
“Moabot ang akong suki ugma,” ni Galen pa. “Nagsabot mi nga bagaton ko siya sa La Union sama sa naandan.”
“Taga diin man diay nang tawhana? nangutana ko.
“Taga Ubay. Pero gawas sa Ubay, nag-supply sab siya’g shabu sa Alicia, Candijay, Guindulman ug Anda.”
“Sa Mabini diay?”
“Wa siya mosulod sa Mabini. Di siya gustong masuko ang drug lord nga nagbase sa atong lungsod.”
“U-unsa? A-ang buot mong ipasabot nga may...”
“Oo, Belen. May drug lord sa atong lungsod. Usa siya ka dakong negosyante. Apan plantalya lang ang mao niyang negosyo aron dili mabisto ang illegal niyang kalihokan.
“Kun tinuod nga may drug lord sa atong lungsod, nganong sa laing supplier ka pa man mopalit og shabu?”
“Ako ning diskarte. Di ko gustong mabisto nga usa ako ka adik maong di ko mopalit og shabu sa ato. Daghan na man gud ang nagduda nianang drug lord sa ato. Di ko gustong maangin kun ugaling mabulilyaso na ang illegal niyang negosyo. -- Sumpayan pa