Nalangan nga kabuntagon

Gula 29

Miluklok pag-ayo si Destiny sa dughan ni Evan kay gikuyawan siya.

“Ayaw gyud paglihok,” gihunghongan ni Evan si Destiny. “Piyonga’g maayo ang imong mga mata aron magtuo gyud sila nga natulog ka.”

Nagkaduol na ang adik sa ilang nahimutangan. Wala gyud maglihok si Destiny. Apan kusog kaayo ang butokbutok sa iyang dughan.

“Ikaw!” Gitionan sa adik ang apapangig ni Evan sa pistola dihang natungod na kini sa ilang gilingkoran.

Wala maglihok si Evan. Mipasigpat sa maguwang nga daw sa mikaging, gibati ni Destiny ang tumang kahingawan. Tingalig unsay buhaton sa adik sa iyang maguwang.

“Loving man kaayo mong tan-awon diha sa inyong gilingkoran,” nagkanayon ang adik nga ang gipasabot mao sila si Destiny ug Evan.

“Hain may maayo, Tsong,” matud sa laing adik,” nga sila na lang maoy mo-perform sa atong atubangan?”

“Mas maayo pa tuod,” matud sa maong adik.

Gikuyawan si Destiny sa iyang nadungog. Nakasabot siya sa gisulti sa mga adik. Sila si Evan ang napilian sa maong mga bagis nga mag-sex sa ilang atubangan. Gikulbaan siya pag-ayo. Unsay angay nilang buhaton niining higayona.

“Sige na, Tsong,” giingnan si Evan sa adik. “Pukawa na kanang imong sweetheart.” -- Sumpayan pa