Nalangan nga kabuntagon

Gula 13

“Wa pa tawon,” maoy tubag. “Kaganina ra kong nagpaabot nimo.”

“Nalangan ko,” sa maguwang pa. “Nanan-aw mi’g sine uban ang akong mga klasmet.”

“Klasmet gyud kaha? Di kaha si Liz ang imong kauban?”

“Dili, uy. Liz gud.”

“Ayaw na lang paglimod, uy. Nakita mo nako kaganina didto sa library. Malipayon kaayo mo.”

“Mao ba? Aw, pareho diay ta.”

“Unsay pareho?” Mikunot ang agtang ni Destiny.

“Nakakita man sab ko ninyo ni Devin kaganina didto sa canteen. Wa lang ko moduol ninyo kay basin makadisturbo ko. Mora ra bag naglami ang inyong panagsulti kaganina.”

“Excuse me, no. Dili nako boyfriend si Devin. Wa koy amor nianang lalakiha, uy.”

“Ako pa nimo, Sis, sugton na nimo si Devin.”

“Naunsa ka diha?”

“Bitaw. Aron ba sab duna kay kalingawan. Aron ba sab maka-experience ka kun unsay feeling kun duna kay uyab. Total, buotan man sab si Devin. Sa akong panghimbis niya sa higayon nga mamisita siya dinhi, mora man og kasaligan og nawong kadtong tawhana.”

‘Di ko niya, uy. Wa ko mahigugma niya.”

“Ug kinsa may imong gusto? Si Greger?”

“Uy, labaw nang dili ko niya.” -- Sumpayan pa