Ang Impiyerno ni Belen - 2
Gula 34
“Wa bay masuko kun mamisita ko nimo?” nangutana siya.
“H-ha?” Nakugang ko sa iyang pangutana.
“Wa kahay kasingkasing masakitan kun ako kang pamisitahan?”
“W-wa man. Pero nganong imo man kong pamisitahan?”
“Gusto lang kong makigsuod nimo, Belen.
“Aw, kana ra man diay. Okey kaayo. Way masuko nimo kay tinarong man diay ang imong tuyo.”
Pero disappointed ko’g diyotay sa tubag ni Galen. Abi ko’g mamisita siya nako kay iya kong pangulitawhan. Dili man diay. Gusto ra man diay siyang makigsuod nako.
Pastilan!
Nahimuot si Galen sa akong gisulti. Nalipay siya nga gipasaligan ko siya nga welcome siya kanunay sa among balay kun mamisita siya nako.
“Ang imong mga ginikanan,” ni Galen pa. “Tingali’g masuko sila.
“Dili kana mahitabo,” nako pa. “Nakaila sila nimo. Gawas pa, tinarong man kaha ang imong tuyo.”
“Yes, Belen. Makig-bonding lang ko nimo ug sa imong parents.”
“Mao ba. Pero nganong gusto man kang makig-bonding namo?”
“Baya lang.”
“Kahilom.” -- Sumpayan pa
- Latest
- Trending
