Ang Impiyerno ni Belen - 2

Gula 28

Nagkadungan mi pagsangko sa kinapungkayan sa himaya. Mas tugob sa sensasyon ang ikatulong hugna sa among lawasnong panagtagbo.

Nanggawas na mi sa motel human maka-score og katulo. Midalikyat mi sa usa ka department store kay may gusto kong paliton. Pagkahuman, nagpahatod na mi’g tricycle ngadto sa bus terminal.

Ang nahitabo namo ni Homer nasubli sa makadaghan ug sa nagkadaiyang dapit. Tungod sa kamoderno na sa panahon, ang cellphone maoy gigamit namong kahimanan sa komunikasyon aron kami magkasabot kun asang dapit kami magtagbo.

Usahay, kanang wala sila si Papa ug Mama sa balay, mo-text ko ni Homer aron siya masayod nga nag-inusara ra ko sa balay. Modali pag-adto si Homer sa balay ug sulod sa akong lawak magtagbaw mi pagtagay sa tam-is nga dugos sa lawasnong kalipay.

May mga higayon nga adto mi magtagbo sa usa ka beach resort sa Baclayon ug sa Panglao. Usahay adto mi magbagat sa usa ka beach resort sa Anda.Nakasulay sab mi’g overnight sa beach resort sa Loay. Ug sa matag higayon nga mag-uban mi sulod sa usa ka pribadong lugar, magtagbaw gyud mi sa among panagsalo sa lawasnong kalipay. -- Sumpayan pa