Ang Impiyerno ni Belen - 2

Gula 4

“Pero karon nga nagbuwag na kamo, wa ka nay kabilinggan. Makapatuyang ka na pagbuhat sa bisan unsa nga makalipay nimo.”

“Tinuod kana. Pero nitagam na ko human ko mahisugamak sa pagpakig-relasyon sa usa ka lalaking sadista. Daw naa na koy heterophobia.”

“Nagtuo ka ba sab diay nga sadista ko?”

“Wa man hinuon. Pero...basta, di pa ko andam makigrelasyon pag-usab sa usa ka lalaki. Sa pagkakaron, kontento ko’s akong kinabuhi uban sa akong mga ginikanan.”

“Gitahod ko ang imong baroganan, Belen. Pero hinaot unta nga di nimo ikahasol ang akong pagpadayon sa pagpanguyab nimo.”

“Ikaw ang mag-igo. Basta kay wa ko ikaw pasaligi ug palaoma.”

Usa ka higayon niana, gibati ko nga mora’g makamatay ang kalaay sa pag-inusara sa balay. Nakahunahuna kong motan-aw og salida sa DVD. Usa ka x-rated movie ang akong gitan-aw.

Ang x-rated movie nga akong gitan-aw sa DVD nag-ulohan og “Sensational Sex Scandal.” Tinuod gyud nga sensational ang maong salida kay samtang nagtan-aw ko niini, nanginit man usab ang akong lawas. -- Sumpayan pa