CEBU, Philippines - Dili siya kombinsido sa gisulti ni Bradley nga dili pa kini andam nga magminyo. Labaw nang dili siya makapaabot nga si Bradley mismo ang mohukom nga magminyo na sila. Tingali'g maabtan pa'g siyam-siyam una kini mahitabo. Ang gusto niya mao nga makasal sila si Bradley sa labing daling panahon.
Unya nahinumdom siya kang Sandra, ang ig-agaw ni Bradley nga gikahimamat niya kaganina. May antipathy siya sa maong babaye. Wala kini appeal ngadto kaniya. Wala kini niya tuyoa, pero ingon sa wala gayod siya’y salig ngadto sa maong babaye.
“Mokuyog ka ba gihapon karon nako, Inday?” sukit ni Nang Diday samtang namahaw sila.
Nag-atbang sa paglingkod atubangan sa lamesa sila si Sandra ug Nang Diday. Si Bradley maoy naglingkod tupad kang Sandra.
“Oo, Manang,” ni Sandra pa. “Ganahan kong moatiman sa mga kustomer sa restaurant. Makalingaw man diay ang maong trabaho.” Mikatawa ang lagas. “Abi ko’g mitagam ka.”
“M-mitagam sa unsa, Manang?” Sukit ni Sandra
“Nasayod kong gikapoy ka sa imong trabaho. Miabag ka pa man gud nga may mga katabang man unta kong gisuweldohan alang sa mga bulohaton sa restaurant.”
“Sagdi lang gud, Manang. Laay man sab kun wala koy buhaton.”
“Hangtod nga nadiskitahan hinuon ka ni Sancho. Ayaw lang tagda kadtong tawhana. Komedyante gyud kadto siya.”
“Okey lang, Manang, uy. Dili man sab ko daling motuo og komedya”. -- Sumpayan pa