^

Banat Kalingawan

Ihikling ang gugma padayon ang eskuyla

Sugilanon - Fred Fuentes Monternel -

Ania na sab sila si George ug Ara sa ilang tagboanan matag hapon ubos sa landong sa dakong punoan sa Talisay nga daplin sa baybayon. Nalingaw sila nga nagsud-ong sa hinaganas sa dagkong balud nga moaslay inigsangko sa daplin sa baybayon.

Matahom usab lantawon ang pagsalop sa haring adlaw didto sa halayong kasadpan. Sikit kaayo sila nga nagtupad sa pagpangyaka sa pinong balas sa baybayon.

"Sa tingbukas sa klase, sa kolehiyo na ta motungha. Dili na sama sa hayskol nga kanunay ta nga magkuyog matag adlaw! Mingawon ko nimo, Ara...!" ni George nga milikos sa iyang tuong kamot sa lumoy'ng hawak sa dalaga.

"Bitaw, George! Mingaw bitaw palandungon! Alang nako, ang high school days maoy labing malipayong adlaw sa natad sa pag-eskuyla! Sa tingbukas sa klase, lainlain na nga unibersidad ang atong tunghaan! Sagdi lang, himuon tang inspirasyon ang atong gugma, aron ta molampos sa atong mga kurso...!"

Gigabling ni George ang abaga ni Ara. Hugot silang nagtinutokay.

"I love you, Ara....!"

"I love you, too, George...!"

Ug unya, puno sa pagmahal nga inanay'ng nag-akob ang ilang mga ngabil.

Managsilingan sila si George ug Ara sa ilang baryo. Ang ilang mga ginikanan maoy matawag nga tubigtubigan sa baryo kay nanag-iya og patag nga umahan ug halapad nga kalubihan. Parehas sila nga mga bugtong anak, maoy hinungdan nga hataas gyud ang panglantaw sa ilang mga ginikanan nga makatapos sila si George ug Ara sa pagtungha sa kolehiyo.

"Ihikling ang gugma, padayon sa pag-eskuyla!" managsamang pahimangno ang imaymay sa ilang mga ginikanan ngadto kang George ug Ara, ilabi na nga nasayran na ang ilang panaghigugmaay sa baryo. Milipang ang ilang gugma ni George ug Ara, gikan pa sa elementarya ug hangtod na sa hayskol.

Ug ning hapona, daw dili na gayud kapugngan nila ni George ug Ara ang init nga sensasyon sa ilang pagminahalay, luyo sa ilang kabatan-on. Karon, gititi nila ang ilang mga laway diha sa nagpensing nila nga mga dila inubanan sa maukobon nilang panaghalok. Nag-agumod ug naghangos sila. Inanay nga napahigda si Ara sa pinong balas ilawom sa landong sa dakong punoan sa Talisay.

"Ara...!" naghangos si George nga mihushos sa blawos sa dalaga ug gitangtang ang bra niini. Milugwa ang duha ka tugsoy sa dughan ni Ara nga nagpanikad sa tumang kamadanihon. Gihamuyan dayon ni George ang pula-pulang atngal niini.

Milimbag si Ara ug wa makapugong nga nagpanghinol sa iyang mga kamot sa buganan ni George. Dihang gipapiti na ni George ang garter sa panti ni Ara aron kini hubuon, kalit nga nahibalik ang ilang kahimatngon. Parehas sila nga mitimbakuwas. Nagkadungan sila sa pagsulti. "Ihikling ang gugma, padayon og eskuya....!"

Nagtinutokay sila si Greoge ug Ara.

"D-dili pa panahon, George! Molampos una tag eskuyla...!"

"Sori, Ara! Medyo, nalimot lang ko!"

"Asa ra bitaw nang mga butanga kun mahuman na ta og eskuyla!" ni Ara nga mikusnit sa kilid ni George. Nanindog sila ug nagkatawa nga nag-agbayay nga mipauli sa ilang tagsatagsa ka balay niadtong hapona. (Kataposan)

ANIA

ARA

GEORGE

IHIKLING

ILANG

PAREHAS

SILA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with