Room for rent

Gula 58

Nakugang ko sa gipangutana ni Albert. Gusto siyang mosulod sa kuwarto namo ni Denver. Ngano kaha?”

“Pasudla ko, Phoebe?” Hangyo ni Albert.

Ug wala pa gani ko makadesisyon pagtando nga pasudlon siya, si Albert misulod na sa kuwarto. Ug siya na mismo ang misira sa pultahan.

“A-Albert, u-unsay buot ipasabot niini?” Nagkurog ang akong tingog nga nangutana kaniya.

“Pasayloa ko, Phoebe,” maoy iyang tubag. “Pero akong nasuta nga maglisod ko sa paghikalimot sa nahitabo nato.”

“U-unsa?”

“Sukad sa maong hitabo, di na ko mahimutang. Ikaw na ang kanunay kong gihunahuna.”

“A-Albert...”

“I love you, Phoebe. I know this is insane pero mao kini tinuod kong gibati. Na-develop ko sa paghigugma nimo tungod sa talagsaong panghitabo tali natong duha.”

“Nakalitan ka lang tingali, Albert.”

“No. Nakaseguro kos akong gibati. Nahigugma na ko nimo.”

“Pero minyo na ko. Nasayod ka baya niana.”

“Dili importante alang nako nga higugmaon mo usab ako. Ang gusto ko lang mahitabo mao nga di ko nimo balibaran.”

“S-sa unsa?”

“Gimingaw ko nimo. Gihidlaw ko sa nahitabo nato.”

“H-ha?”

 Wala ko makabantay dihang kalit lang kong gigakos ni Albert. Mipusnga ko dihang giukoban niya ang akong ngabil.

Mipatigbabaw pa ang maayo kong panghunahuna mao nga nanglimbasog ko nga makalingkawas gikan sa hugot nga paggakos ni Albert kanako. Nagpanukmod ko kaniya. Matag karon ug unya magpanglugnot ko.

Apan hugot kaayo ang paggakos ni Albert nako. Gibilanggo ko niya’g maayo sa iyang mga bukton samtang gikaligoan ko niya’g halok. Ang kainit sa iyang paghalok naghatod kanako og talagsaong kalalim nga mihulga sa pagpukan sa kalig-on sa akong prinsipyo.

Hangtod nga midaog ang kahuyang. Namatngonan ko na lang nga nagakahinay ang akong paglugnot. Nagakaluya ang akong pagtutol sa gibuhat ni Albert nako. -- Sumpayan pa