Room for rent

Gula 40

Mas hingpit, hipno ug tibuok ang pleasure nga akong nasinati dihang nagkadungan kami si Denver pagsangko sa kinapungkayan sa himaya. Uban sa among mga hangos ug agumod, among gisangpit ang among mga ngalan sa usag-usa, timaan nga managsama kaming nakatagamtam sa talagsaong gana.

Human sa duha ka lovemaking session, nakatulog mi si Denver. Apan pagka-kaadlawon, namukaw si Denver nako. Diay, gusto siyang mo-score pag-usab. Wala ko motutol. Kay ang tinuod, mao sab kini akong ampay. Mao nga rabadang to the max kami si Denver.

Morag nasinati nako pagbalik ang first-time excitement nga akong natagamtaman sa unang sexual contact namo ni Denver kaniadto sa among pagtagay karon sa lawasnong kalipay. Kini tungod kay naghimo man si Denver og alter movements. Mao nga extraordinary ang kalalim nga akong nabatyagan sa among panagsawo sa langitnong kalipay.

Kay may igo pa man ming panahon human sa among lovemaking session sa kaadlawon, namalik mi si Denver og katulog. Tungod sa kalapoy sa among lawas nga among gibudlay pagtagay sa lawasnong kalipay, naudtohan mi’g kamata. Si Denver midali-dali og kaligo.

“Ma-late ka na sa trabaho,” giingnan ko si Denver paggawas niya sa banyo nga presko kaayo ang male scent tungod kay bag-ong nakakaligo.

“Okey pa,” ni Denver pa. “Maka-avail pa ko sa grace period.”

“Unya, wa man kay sapot nga kailisan?”

“Ibalik ko lang ning akong polo. May reserba man kong polo didto sa trabahoan, tua sa akong locker room. Adto lang ko didto mag-ilis.”

Wala na lang ko maligo kay mosamot nag kalangan. Sa balay na lang ko maligo inigpauli nako. Gihulat ko na lang si Denver nga makahuman og ilis. Unya nanggawas na mi sa hotel. Si Denver midiretso na sa pag-report sa iyang trabaho ug ako milahos pagpauli sa among gipuy-an sa Mabolo. Nagpahatod ko’g taxi aron madali.

Pag-abot nako sa balay, midali ko pagpaingon sa CR aron pagtubag sa call of nature. Kaganina ra kong kaihion samtang nagsakay sa taksi. Giagwanta ko lang ang makapalimbawot nga awhag sa sugo sa lawas.

Paghitungod nako sa pultahan sa CR sa mga babaye gidiretso ko kini og abli. Nakugang ko pagkakita nga may tawo diay sa sulod. Si Albert ang akong nakita sa sulod sa banyo! -- Sumpayan pa