Room for rent

 Gula 30

Nakasabot dayon ko kun nganong gustong makigkita si Kenneth nako. Sukad gud nga may nahitabo tali namong duha, wala pa mi magkakita pag-usab. Usa ka semana na sab kong wala mag-mahjong.

Gusto unta nakong balibaran si Kenneth kay wala koy ganang makigkita niya. Pero nahadlok kong masuko siya ug ibulgar niya ang sekreto namo ni Mario. Maong napugos ko sa pagpakigkita kaniya.

Sa usa ka mall sa reclamation area kami nag-abot. Nangaon mi. Pagkahuman, wala ko makabalibad ug makatutol dihang gidala ko niya sa usa ka motel. Didto gitagbaw niya ang iyang kaugalingon pagdimdim sa katam-is sa akong pagka babaye. Na-feel gihapon nako ang iyang kahangol sa unod sa iyang pag-angkon sa akong pagka-babaye.

“Salamat nga wa ko nimo pakyasa,” nagkanayon si Kenneth human sa unang hugna sa among kombate sa kama. “Gimingaw na ko pag-ayo nimo. Ug karon natambalan na gyud ang akong kahidlaw.”

“Di mahitabong pakyason ko ang atong sabot,” nako pa. “Nipasalig na gud ko nimo.”

“Gusto kong magpermanente na ni, Phoebe.”

“U-unsay buot mong ipasabot?”

“Nasayod kong may schedule ka matag Miyerkules uban kang Mario. Dili ko magsamok ninyo. Sa adlaw’ng Miyerkules, adto ka kang Mario. Ug sa Biyernes, akoy tag-iya nimo.”

 May kabug-at sa akong kabubut-on ang pagsanong sa gustong mahitabo ni Kenneth. Alang nako, komplikado na kaayo ang akong sitwasyon.Delikado nga mabunggo kun dili mag-amping og maayo.

 Kuyaw kaayo kun madiskobrehan ni Denver nga nagkagrabe na gyud pag-ayo ang akong paghugaw-hugaw sa among kaminyoon.

Ingon niadto ang routine sa akong kinabuhi. Matag Miyerkules magkita kami si Mario ug mosulod sa mabugnaw’ng lawak aron magtagbaw sa pagtagay sa lawasnong kalipay. Ug sa adlaw’ng Biyernes, si Kenneth na usab ang modala kanako ngadto sa usa ka pribadong lawak.

Usahay, kanang modula ko’g mahjong, makahirit si Kenneth. Kun makahigayon, idali-dali ko niya’g salipno sa CR sa balay diin kami nag-mahjong ug didto magdali-dali kami’g tagay sa lawasnong kalipay. Hot gyud kaayo si Kenneth. -- Sumpayan pa