Room for rent

 Gula 9

Gipasagdan lang ko ni Mario nga naghilak. Gihimashimas niya ang akong bukobuko aron pagpakalma nako.

“Nagmahay ka ba sa nahitabo nato?” Gipangutana ko ni Mario dihang nahuman na ang akong paghilak.

Wala nako tubaga ang iyang pangutana.

“Hungog ko nga pagka babaye,” lain ang akong gipamulong. “Hungog ko nga nakigsawo sa lawasnong kalipay sa dili nako bana.”

“Sa imong sinultihan ingon sa masabot nga nagbasol ka gyud sa nahitabo nato,” nagkanayon si Mario.

“Gimahal ko ang akong bana, Mario.”

“Nasayod ko, Phoebe. Mituo ko sa imong gisulti. Mao nga kun dili ka makahimo sa pagluib kaniya hangtod sa hangtod, mahimong kini na ang una ug kataposan natong panag-abot sulod ning mabugnaw’ng lawak.”

“Manggawas na ta dinhi.”

“Sure. Apan sa dili pa, kinahanglang pahimuslan ta kining higayona.”

“U-unsay buot mong ipasabot?”

“Kun kini na ang una ug kataposan natong panag-abot sa usa ka mabugnaw’ng lawak, una ug kataposan natong intimate moments, gusto kong tagbawon nato’g maayo ang atong kaugalingon.”

“Dili na ko...”

“Hingpiton ta ang atong katagbawan sa panagsawo sa lawasnong kalipay sa una ug kataposang higayon, Phoebe. Ug human niini, usbon na nato ang dagan sa atong tagsatagsa ka kinabuhi. Atubangon ta ang ugma nga ingon sa walay kagahapon nga naglambigit natong duha.”

 Nahinuklog na sab ko sa gisulti ni Mario. Ug samtang naghukdong ko sa ngilit sa kama, iyang gihimashimas ang akong abaga. Dayon ang akong bukton. Unya iya kong gigabling paatubang kaniya ug gigakos.

Giukoban ni Mario ang akong ngabil. Mas pinadulot ug mas mainiton ang halok nga iyang gidaitol sa pagpabatyag kanako. Unya mikiat ang iyang mga kamot sa pagpanghinol sa sensitibong mga parte sa akong lawas.

Kadali ra kong nanginit. Milampos si Mario sa pagpukaw sa akong sexual urge. Naulipon na sab ko sa kahinam. Nahikalimot na ko sa akong kaugalingon. Andam na ko sa bisan unsa nga gusto ni Mario nga mahitabo tali kanamo. -- Sumpayan pa