Sukli sa utang

 Gula 261

Nahibulong si Celso nganong kalit lang kong mibangon bisan wala pa mi makahuman og tagay sa lawasnong kalipay.

“Naay tawo,” giingnan ko siya. “Si Neo, nanugway og baka.”

Apan wala gyud mosugot si Celso nga dili namo tiwason ang amo nang nasugdan. Namalhin mi’g laing dapit ug didto among gitiwas ang init nga kombate aron pagbugtaw sa lawasnong katagbawan.

Pagpauli nako sa balay, wala ko mahimutang. Ang akong hunahuna didto ra kang Neo. Nabalaka ko nga basin og nakakita siya sa gibuhat namo ni Celso didto sa sapa. Nagtalikod tuod siya sa dihang gibuka ko ang akong mga mata, pero wala ko makaseguro kon mao ra ba gayod kadto ang iyang posisyon sa wala pa ko makabantay nga didto diay siya sa ibabaw nga bahin sa sapa. Tingali’g mitalikod lang siya kay gilainan siyang nagtan-aw namo ni Celso nga naglambang!

Kon simbako nakakita gayod si Neo sa gibuhat namo ni Celso, mameligro kon itaho niya ang iyang nakita ngadto kang Ferdinand. Seguradong malintian gyud ko sa akong bana.

Sa misunod nga mga adlaw, dili ko makaharong kang Neo sa higayon nga magkaduol mi. Bisan wala ko makaseguro kon nakakita ba gayod siya sa gibuhat namo ni Celso didto sa sapa pero dili ko gyud kapugngan nga mobati og kaulaw. Bation ko ang ka-guilty sa higayon nga magkaatubang mi si Neo. Wala koy nawong nga ikaatubang niya.

“Putlon na nato ang atong relasyon, Celso,” giingnan ko ang akong lover boy usa ka gabii niana human sa among panagsawo sa lawasnong kalipay sulod sa akong gipuy-an.

 “Ngano man?” Nagpakisayod siya sa hinungdan.

 “Nahadlok na ko nga tingali’g mabulgar ang atong tinagoan sa kadugayan. Di ko gustong masayran kini sa akong bana.”

 “Di ko mosugot nga hunongon nato kining atong gibuhat. Mabuang ko kon mahitabo kana. Mag-amping lang ta. Doblehon ta ang atong pag-amping aron walay usang masayod sa tinagoan tang relasyon.”

Gidoble tuod namo ang pag-amping. Gihunong na namo ang panagtagbo sa gawas aron paglikay sa bulilyaso. Kon mosulod si Celso sa balay panahon sa kagabhion, iatol niya nga lapas na sa tungang gabii aron pagseguro nga nahinanok na ang tanan nakong mga silingan.

Apan usa ka gabii niana, gituwaw-tuwaw na gyud mis among kasal-anan. Samtang nag-sex mi sulod sa lawak, kalit lang naabli ang pultahan sa kuwarto ug misiga ang suga. Nalisang ko pagkakita kang Ferdinand! -- Sumpayan pa