Kilometro 35

Sama sa akong pagtugyan ngadto nila ni Fernan ug Bredhart sa akong pagka babaye, ang akong pagtahan kang Keith sa akong kaugalingon giisip kong gesture of gratitude ug stress debriefing sa akong kaugalingon.

Gesture of gratitude kay gusto kong pahalipayan ug pasalamatan si Keith sa iyang pagluwas kanako sa tino nga kamatayon. Sa samang higayon, magsilbi usab kining stress debriefing sa kinaugalingon kong paagi kay dili ko gustong mabilanggo sa masakit nga kagahapon sa akong kinabuhi.

Para nako, usa ka nightmare sa akong kinabuhi ang akong pagkabiktima sa gang rape. Dili sayon kalimtan ang maong daotan nga kasinatian. Ug ang nahitabo tali namo ni Fernan, ni Bredhart ug ni Keith maisip tingaling lahi nga bersiyon sa Pedesal Syndrome nga nag-originate sa chivalrous romances sa Middle Ages.

"Nganong gibuhat mo man kini?" Gipangutana ko ni Keith.

"Tungod kay gusto ko ikaw'ng pasalamatan," laktod kong tubag.

"U-unsa?"

"Ikaw diay ang una kong manluluwas. Kun di pa tungod sa imong pagbutang nako sa usa ka gakit nga gipaanod sa suba, di unta ko mabangalan sa mga vigilante. Busa, salamat nga wa nimo tumana ang sugo ni Sheldon nga buntogan ko sa suba aron mamatay."

"Pero mahimong magpasalamat ka sa di ingon ining paagiha.''

"Kini ray nahunahunaan kong labing maayong paagi sa pagpadayag sa akong pasalamat sa mga tawong nautangan ko sa ikaduha kong kinabuhi. Dili kay ikaw ray akong gipasalamatan sa ingon. Gibuhat ko na usab kini ngadto nila ni Fernan ug Bredhart." (Sumpayan pa)