Kilometro 35

Gula 75

Dili ko usa ka nymphomaniac. Dili sab ko usa ka sexual psychopath. Mora hinuon og may diyotay kong phobia sa sex human ko na-gang rape nila ni Sheldon ug mga barkada. Mao nga gusto kong makasinati og enjoyment aron mapapas na sa hingpit sa akong hunahuna ang phobia ug aron pamatud-an nga ang sex dili gyud diay angay kahadlokan.

Lab-as pa man gud gihapon sa akong panumdoman ang paglugos nila ni Sheldon kanako. Tungod sa kasakit nga akong gibati ug nasinati niadtong higayona, mora’g may katagmanan ko sa sex. Nasayod kong sayop ang maong impresyon maong gusto ko kining korehian pinaagi sa pagpakighilawas nga tugob sa sensasyon uban sa lalaki nga gusto kong ikapinarayganay.

Wala koy laing nakitang lalaki nga angay kong tugyanan sa akong pagka babaye gawas lang kang Fernan ug kang Bredhart. Dako sila’g papel sa ikaduha kong kinabuhi. Angay lang nga lipayon ko sila.

Wala makabalibad si Bredhart sa akong pag-seduce kaniya. Taliwala sa labong nga mga tanom sa hardin, gitagay namo ang katam-is sa dugos nga napuga sa unodnong panagtigi.

Apan wala mi matagbaw sa usa lang ka hugna. Namiya mi sa hardin. Gidala ko ni Bredhart sa iyang lawak. Didto gipadayon namo ang pagtagay sa lawasnong kalipay.

Pagkaugma, misulod si Fernan sa underground nga nahimutangan ni Keith. Gipakigsultihan sa lider sa mga vigilante si Keith. Pagkahuman, ako na usab ang gipakigsultihan ni Fernan.

“Mosugot na ko nga magpabilin si Keith dinhi uban nato, Sandra,” nagkanayon ang lider sa mga vigilante. -- Sumpayan pa