Ang tinagoan ni Fred

Dugay na kaayong nangandoy si Fred nga makatilaw og babaye. Sukad sa iyang pagkamatngon og buot hangtod karon nga hapit na lang mahurot og labnot sa panahon ang iyang mga buhok ug gikudlis-kudlisan na’g daghan kaayo ang iyang daw tugpahanan nga agtang, wala pa gayud siya makasulay bisan halok na lamang sa usa ka babaye.

“Kun dili pa lang tungod sa akong problema hagbay ra man unta kong nakataak og langit na? Apan pagkamakauuwaw sa akong kahimtang kun gusto na kong motilaw anang mga butanga? Mao nga nagpugong na lang ko ug igo na lang sa paghanduraw...” Usa ka higayon niana naghanduraw ug naghinuktok si Fred samtang nag-akbo sa bentana sa iyang yanong panimalay.

Dihay higayon nga gidala siya’g panglakaw ni Molito nga suod niyang higalang magsusulat usab. Didto sila sa usa ka balay-kahilayan. Nagpainit sa dunggan ug pagkahuman...

“Bay Fred, mangabang ta’g babaye,” aghat ni Molito nga namula na ang nawong sa nahurot nilang pipila ka botelyang serbesa.

“U-unsa?’ daw natuk-an si Fred. “i-ikaw lang uroy diha, Bay Molito!”

“Ay, naunsa ka man, Bay, uy...mora ka ma’g di lalaki. Lami na kaayo rong ihumol kay midatom na ang gahom sa atong nayarok.”

Gigamhan na tuod si Fred sa ilang nainom. Gipaundayonan gayud niya ang gusto ni Molito. Namili sila’g babaye. Maayo ra ba gyung pagkapili ang kang Fred, mora’g si Rebecca sa estoryang “Paraiso” sa usa ka tv channel. Ug human nila kabayri ang bar fine, nanulod sila sa nagtapad nga kuwarto kauban ang masig nila ka pares.

Apan kini si Molito hilabihan man diay’ng siawa. Gidrama lang diay niya si Fred. Daan na diay niyang gikasabot ang tag-iya sa bar ug ang babaye nga iya kunohay’ng giabangan ganina. Kay sa pagsulod ni Fred sa kuwarto uban ang babaye, hilom nga gipabiya ni Molito ang iya kunohay’ng pares. Gusto ni Molito nga panid-an kun unsa gayud ang problema ni Fred kun maghisgot na og pakighilawas sa babaye.

Ops! Miutong na ang kahilom sa kuwarto nga gisudlan ni Fred ug sa babaye. Ug si Molito, pinaagi sa gamay’ng lungag nga daan na niyang gipahimo sa tag-iya sa bar nga iyang gibayran milili na. Mahinamon ug hilom nga misil-ip sa gamay’ng lungag tumong sa kama sa pikas kuwarto.

Unya tungod kay giganoy na sa gahom sa iyang nainom, nanginit na si Fred alang sa dakung kombate sa kama! Ang babaye nga wala nay sapot nga nagpabatang sa ibabaw sa kama naghulat na lang sa buhaton ni Fred. Ug pagkataotaod namora na’g si Tarzan ang guwatsinanggo sa Lorega.

Apan wala makasabot si Molito samtang padayon nga nagsil-ip sa lungag kay kalit man lang mibarog ang babaye nga ingon sa milikay. Unsa man kahay gikahadlokan niini? Daku diay tingali kaayo’g kargada si Fred? Wala man ugod masentro sa panan-aw ni Molito ang atubangan ni Fred kay nasangit man sab ang iyang mga mata sa seksi nga nagbatang sa ibabaw sa kama.

“Ayaw lang kahadlok, Day,” nadungog ni Molito nga misulti si Fred. “Ato lang ning kalakehon og unsaon pagmaneho ani?”

Miiknat ang mga kilay ni Molito sa iyang nabati. “Matay, dako gyud diay kaayo’g kargada si Fred mao nga nahadlok ang babaye?” hilom nga nakapangutana si Molito sa iyang kaugalingon.

Unya gipokus niya ang iyang panan-aw sa atubangan ni Fred. Daw dili siya makatuo sa iyang nakita. Kasarangan ra man diay ang gidak-on sa kargada sa iyang amigo. Anaa...bisan mikaging na pag-ayo igo-igo ra man gyud ang sukod? Pero dakong problema tuod ni Fred mao nga naglikay gyud siya’g babaye. Kay porbida! Unsaon man kaha pagpasulod nga...

Aduna man diay laing duha nga mituybo sa masigka kilid niini. Nagsanga ang kargada ni Fred! --(Kataposan)