Sukli sa utang

Gula 225

Wala mi mogawas sa UCV Building sa tibuok buntag. Nagmuok mi sa unit nga giokupar ni Ferdinand. We spent the whole morning making love. Gipahungaw namo ni Ferdinand ang among kamingaw sa usag-usa pinaagi sa init nga pagpinarayganay.

Pagkaudto, nangaon mi sa Savory restaurant sa may Escolta. Pagkahuman, miadto mi sa Antipolo aron pagpakigkita sa iyang ig-agaw nga nagpuyo didto. Gikan didto, mipatighulog mi sa Marikina aron pagpakigkita sa lain niyang ig-agaw nga may stall sa merkado sa maong siyudad.

Gabii na ming nakauli sa Binondo. Gikapoy ko sa biyahe. Pero bisan lapoy ang lawas, nagkugi gihapon mi si Ferdinand pagtagay sa lawasnong kalipay.

Sa among pagmata nianang pagkabuntag.

“Mo-report ka na ba karon sa imong trabaho?” Gipangutana ko si Ferdinand dihang mibangon na siya.

“Dili pa,” maoy iyang tubag. “Manuroy gihapon ta ron.”

“Asa na man sab ta?”

“Sa Golden City sa Dasmariñas, Cavite.”

“Mag-unsa man ta didto?”

“Duawon nato ang lain pa nakong ig-agaw nga nagpuyo didto.”

“Daghan man diay ka’g paryente dinhi sa Manila, karon ka lang nakahunahuna sa pagpaila nako ngadto nila.”

“Dugay na kong naghunahuna bahin niini pero wa lang ko makagahin og panahon kaniadto. Karon gusto kong malingaw ka sa imong pagbakasyon maong nakahukom kong isuroy ka ngadto sa gipuy-an sa akong mga paryente.”

Human sa pamahaw, migikan dayon mi paingon sa Dasmariñas, Cavite, aron pagbisita sa paryente ni Ferdinand nga nagpuyo sa Golden City Subdivision. Nasurpresa ang paryente ni Ferdinand sa among pagduaw.

May kaugalingong sakyanan ang paryente ni Ferdinand sa Dasmariñas. Gisuroy mi niya sa Tagaytay City. Nalingaw ko sa mga talan-awon sa maong dapit diin malantaw ang Taal Lake sa Batangas.

Na-enjoy kaayo ko sa pagpanuroy namo ni Ferdinand. Sa among pagpauli sa Binondo, lawom nang gabii. Pero wala dayon mi mangatulog. Nagkape si Ferdinand. Pagkahuman, ako nay iyang giatubang.

Gusto siyang mo-score. -- Sumpayan pa