Sukli sa utang

Gula 224

Kun wala ko mobakasyon sa Manila, dili ko masayod nga wala na diay magpuyo si Ferdinand sa condo unit nga gipanag-iya ni Mr. Dee sa Alabang. Wala man kini malakbiti’g hisgot ni Ferdinand kanako sa iyang mga sulat nga gipadala ngari nako ug sa among panagsulti pinaagi sa long distance call. Lain na diay og tag-iya ang condo unit sa Alabang. Napalit na kuno kini sa banay nga Lim.

Sa UCV Bldg. sa Binondo na nagpuyo si Ferdinand. Si Mr. Dee gihapon ang tag-iya sa maong building. Gipapuyo lang si Ferdinand nga libre ni Mr. Dee. Hamugaway ang unit nga gipapuy-an ni Mr. Dee kaniya.

Sa unang gabii sa among panagkita, wala na ko mahibulong kun ngano nga ingon sa apurado kaayo siya nga mangatulog na mi human sa among panihapon. Nasayod kong gimingaw na siya nako. Dul-an gud sa usa ka tuig nga wala mi magkita sukad nga didto na ko nagpuyo sa Bohol.

Miarangkada dayon si Ferdinand dihang nakasulod na mi sa lawak. Gipahungaw niya ang tanan niyang kamingaw ug kahidlaw ngari nako. Hingpit sab kong mipaanod sa iyang gibuhat aron matubag ang tagsatagsa namo ka biological needs.

Wala pa gihapon mo-us-os ang performance ni Ferdinand sa dula sa kama. Namatikdan hinuon nako nga ingon sa mi-improve ang iyang teknik sa paglipay og babaye. Nasurpresa ko niya kay gitagbaw gyud ko niya’g maayo pinaagi sa kainit sa iyang pagpakigpinarayganay nako.

“Kanus-a man ko nimo papaulion sa Bohol?” Gipangutana ko siya human sa una namong lovemaking session.

“Dili una ta maghisgot bahin niana sa pagkakaron,” giingnan ko ni Ferdinand. “Kay mao pa may imong pag-abot, magselebrar una ta. Atong i-enjoy ang imong pagbakasyon dinhi sa Manila. Okey?”

“Okey,” mubo kong pag-uyon.”

Pagkaugma, nanawag si Ferdinand sa iyang boss. Gipahibalo niya kini nga dili siya maka-report sa trabaho. Giguwatsihan niya kini nga lain ang pamatyag niya sa lawas. Apan ang tinuod, gusto lang ni Ferdinand nga mag-uban mi sa tibuok adlaw. -- Sumpayan pa