GOLIAT: (hepe) Kun unsay imong buhaton ning kinawat nimong fried chicken mao usab ang akong buhaton nimo.
TEBAN: (self) Gutom na kaayo ko lubagon nako ang paa ning fried chicken nia ump...
GOLIAT: Lubagon ko usab ang imong paa nia ... ump.
TEBAN: (react pain) Ayayay chief.
GOLIAT: Basta og unsay imong buhaton anang fried chicken nga imong kinawat mao usab ang akong buhaton nimo.
TEBAN: (self) Kuoton nako ang lubot sa fried chicken basin na og naay atay nia ump ... (trans) Tsip wala lagi nimo kuota ang akong lubot.
GOLIAT: Ngeeeeeek.
Parisi
TEBAN: Unsay ato Day?
WOMAN: Nakabasa man ko sa gawas Sir ... nga wanted mo cha cha .... mo-aplay ko.
TEBAN: Ok gidawat ta na ka.
WOMAN: Unya parisi ko Sir.
TEBAN: Unsay parisi?
WOMAN: Mag-cha cha ta.
TEBAN: Ngeeeeeeeek.
Malangit
GOLIAT: Mokumpisal ako Padre...Taga barko ko..Dugay na nga wala ko makakumpisal.
TEBAN: Pila na kaha ka tuig. Mga lima na kaha ka tuig..?
GOLIAT: Lawig pa..
TEBAN: Mga napulo ka tuig..?
GOLIAT: Lawig pa..
TEBAN: Mga kinse ka tuig..?
GOLIAT: Pondo na...
TEBAN: Hmmm..
GOLIAT: Unsa man Padre. Malangit ba ko...?
TEBAN: Lawig pa..
GOLIAT: Ma purgatoryo ba ko..
TEBAN: Lawig pa..
GOLIAT: Ma impiyerno ko Dre..?
TEBAN: Pondo na.