Bibingka naluto sa tinostos

Bisan pa og lunok, wa na gayod kay madaginot pa ni Lolo Igong nga makigminyo ka nianang tiguwang nga sa akong tan-aw sobra pa sa giango-ango! hait pa sa tumoy sa punyal nga mitaop sa dughan ni Oprit, sa naghinubra nga pagtamay sa iyang inahan nga taudtaod na usab nabiyuda.

"Kay unsa man diay ang imong pagtuo Nay Imak, nga ang akong pakigminyo kang Lolo Igong, anha basihi sa pagpasakitay?" mitubag nga way pupanagana si Oprit ngadto sa iyang inahan.

"Kay kun dili na makaya sa tigulang kong mabana ... ngano man nga athon aron ako lamian, kun dili ipaagi na lang sa pagilokay!"

Wa kini malilong ang tanan, kang Lolo Igong, bahin sa pagtamay kaniya sa inahan ni Oprit. Asa ra man unya kun makasal na silang duha si Oprit, iya gayod nga pailhon nga bisan sa iya karon nga kagulangon, nga magsungkod na lang gani ... nga makaya pa niya unsaon niya sa pagromansa si Oprit?

"Sultihi kuno ako sa tinuod Lolo Igong, kun makasugakod pa ikaw sa pagdigamo kanako sa gabii, human sa atong kasal?" kausa gipangutana ni Oprit, ang iyang pamanhunon nga nagkango-kango na lang sa katiguwang. Dili ikalimod nga ning kinatibuk-an nga balangay sa Libo, nga sakop ning ilang dakong lungsod sa San Fernando, nabaniog ang umaabot nilang kasal ni Lolo Igong ug Oprit.

"Sobra pa sa giingon mo ... kanako akong mahal nga Oprit," dihay kakalma sa tinubagan ni Lolo Igong, nga mihana og gakos sa umaabot niyang pangasaw-onon.

"Magkalisod ... ubhon ka sa kalami sa inantigo kong romansa!"

Diha sa hunahuna ni Nanay niya Imak, nga way laing giapas ang iyang anak nga dalaga, nga makigminyo siya sa usa ka tiguwang, kun dili ang kadako sa iyang kalubihan.

Tungang gabii ... human sa makabuhong nga hikay sa bag-ong magtiayon, nakatulog si Lolo Igong, sa may sawog, gumikan sa kahubog sa nainom niyang bahalina.

Mi-brownout ang sugang dagitabnon. Ambot unsang pagkaunsaa ... nga nakamata man si Lolo Igong, ug maoy iyang nasiklapan ang daw tipal-o nga miamag gikan sa paa sa inahan ni Oprit.

Gidungkaan una niya ang iyang tinustos, una niya duola kadtong kais-is sa kaputi nga daw bani sa saging gardaba, diin gisugdan dayon niya og paukob sa iyang mga halok nga way tihiktihik.

"Tabanggggg .... Oprit kay hilabihang inita sa akong bibingka nga napasoan sa dakong tinustos ni Lolo Igongggg!" nagpaninggit og pakitabang ang inahan ni Oprit. (Kataposan)