Gula 183
Nakalitan ko sa gihimo ni Jomar pero wala ko makaako pagbadlong o pagsanta kaniya. Mora hinuon og nakauyon ko sa iyang gibuhat. Gipasagdan ko lang ang iyang kamot nga mihikap sa akong paa.
Unya, sa nakita nga wala ko motutol sa iyang gibuhat, ang kamot ni Jomar misugod pag-aginod. Gikan sa ibabaw sa akong tuhod, midahik ang iyang kamot paingon sa punoan sa akong paa, dapit sa may bugan.
“Ayaw, uy,” gibadlong ko na siya kay morag nisobra na sa limitasyon ang iyang gihimo.
“Pasagdi lang god ko,” matud ni Jomar sa tingog nga maguwang la’g diyotay sa hagawhaw. “Padayon lang sa imong pagtan-aw sa gisalidang sine samtang magmaneho ko diri.”
Wala na ko motingog. Napawong ang akong pagtutol sa dihang ingon sa miepekto na ang paghimashimas ni Jomar sa akong paa. Ginindotan ko. Mora’g may parte sa akong pagka babaye nga natukbil sa iyang gihimo.
Human sa taudtaod nga paghimashimas sa akong paa, namatikdan ko nga misaka ang kamot ni Jomar. Gipangita niini ang butones sa karsones nga akong gisul-ob. Iya kining gitangtang.
“Naunsa ka ba?” Gibadlong ko na sab siya dihang gihan-an na niya’g abli ang siper sa akong karsones.
“Pasagdi lang lagi ko,” ni Jomar pa nga ingon sa dili gyud magpatuo nako. “Ayaw na lang paglangas.”
“Unsa man ning imo? Bugalbugal?”
“Dili ni bugalbugal. Ang tinuod, type ka nako.”
“U-unsa?”
“Mao kana ang tinuod. Managsama tang may kabilinggan na sa kinabuhi. Ug tingali, dili na kinahanglan nga iagi pa nato sa makuting panagsabot ang unsa man nga posibleng mahitabo tali kanato karon.”
“Dili ingon niana ka sayon ang akong pagka babaye.”
“Nasayod ko. Nianang bahina, nirespeto ko nimo. Pero lahi sab kos ubang mga lalaki.”
“Unsay buot mong ipasabot?”
“Dili ko gusto’g daghang estorya. Makalangan lang kana sa akong tuyo. Giingon nga action speaks louder than words. Ang imong pagkuyog nako dinhi sa sinehan nagpasabot nga may interes ka usab kanako.”
Wala ko motingog. Gusto ko siyang sagpaon apan dili ko makahimo. Ug wala na hinuon ko makatutol dihang gilahos na gyud niya’g abli ang siper sa akong karsones. -- Sumpayan pa