Kilometro 35

Gula 13

Ingon sa wala makabati si Sheldon sa akong pagpakiluoy kaniya. Morag desidido na gayod siya sa pagpanamastamas nako. Ug daw wala na gyu’y makasanta kaniya sa pagpangahas og angkon sa akong pagka babaye sa pinugos nga paagi kay andam na man siya pagtuman sa gusto niyang buhaton.

“Guniti ninyog maayo, ha,” giingnan ni Sheldon ang iyang mga barkada nga naggunit nako. “Tingalig maglangas siya.”

“Tira na, Sheldon,” nagkanayon si Karl. “Kay naghinamhinam na ming mopuli nimo.”

Ang gisulti ni Karl ingon sa nakahatag og dugang inspirasyon kang Sheldon aron tumanon na ang gusto niyang buhaton nako. Nunot niini, nabatyagan ko nga ingon sa giwiwi ang ganghaan sa akong hiryang nga wala pa kasudlig bisita sukad-masukad.

Nakaaguroy ko sa kasakit.

“Wow!” Nakatuaw si Kurt. “Virgin pa diay si Sandra! Huh!”

Wala siya masayop nga virgin pa ko. Kay bisan og anad kaayo ko ngadto sa akong boyfriend nga si Orville, dako man siya’g respeto sa akong pagka babaye. Nagplano na ming magminyo. Ug gusto unta ni Orville nga sa unang gabii human sa among kasal niya kutloon ang akong kaputli.

Pero demalas kay nahulog man mi sa mga kamot sa mga adik. Niining mga gutloa, nakaseguro kong patay na si Orville labina gyud kun walay nakabangal niya didto sa Kilometro 35. Ako sab nahulog na sa mga kamot nila ni Sheldon ug gisugdan na gani ko paglugos!

Gipadayon ni Sheldon ang pagsansan. Morag nalukot tingali ang akong nawong sa kasakit. Hugot kaayo ang pagpahit ko sa akong ngabil. -- Sumpayan pa