Sukli sa utang

Gula 161

Wala mo-report si Ferdinand sa iyang trabaho niadtong adlawa. Nanawag lang siya sa kompaniya nga iyang gitrabahoan aron pagpahibalo nga mo-sick leave siya. Gilansisan lang niya ang iyang amo nga lain ang paminaw niya sa iyang lawas. Pero ang tinuod, wala siya mo-duty tungod nako. Gusto niyang gahinan ko sa tanan niyang panahon niadtong adlawa.

Human sa among pamahaw, gihimo namong sera-gana ang sex. Pagkahuman, nangadto mi sa sala ug nanan-aw og DVD. X-rated nga salida ang among gipili nga tan-awon. Kompleto si Ferdinand sa mga x-rated materials nga mao usab ang gihimo niyang kalingawan sa mga takna sa kalaay sa pag-inusara niya’g puyo sa condominium unit.

Ang among pagtan-aw og x-rated film nakatabang aron mosamot ang among kahigal. Sanglit serado man ang condo unit, wala na mi mag-usik og panahon pagsulod sa kuwarto. Diha ra mi sa sala nag-perform. Samtang nagtakubang si Ferdinand nako ug nagsaka-kanaog sa ibabaw sa hubo kong lawas, may mga higayon nga bukhon ko ang akong mga mata aron modalikyat og tan-aw sa x-rated movie nga padayon pang gisalida sa DVD.

Dihang naudto, nagkasabot mi si Ferdinand nga mangaon sa gawas. Migawas mi sa condo. Kay duol ra man kaayo ang condo ngadto sa usa ka shopping mall, naglakaw lang mi paingon didto. Sa usa ka outlet sa KFC sulod sa Alabang Metropolis mall, misulod mi. Gipapili ko ni Ferdinand kun unsay gusto nakong kan-on. Pagkahuman, gipapangita ko niya’g bakanteng lamesa kay siya ray nipila sa order counter.

Mipahimutang ko sa atubangan sa usa ka bakanteng lamesa nga bag-o lang gilimpiyohan sa crew sa kan-anan. Paglabay sa pipila ka gutlo, miduol si Ferdinand sa akong nahimutangan nga nagsapwang na sa tray nga gipatongan sa gi-order namong mga pagkaon. Nangaon dayon mi.

“Duna unta koy isulti nimo,” ni Ferdinand pa samtang nagpadayon mi sa pagpangaon.

“U-unsa kana?” gipangutana ko siya.

“Gusto unta ko nga magpakasal na ta.”

Nakalitan ko sa akong nadungog. -- Sumpayan pa