Nagkabistohay ang inahan ug anak

Alas 11 sa gabii, sa naandan mag-estambayan si Diego sa may dan Colon duol sa usa ka sinehan. Bag-ong naligo ug nangalimyon sa pahumot.

 Wa madugay, usa ka sakyanan ang aginod nagdagan sa iyang tungod. Milahos kini apan didto sa unahan mi-u-turn ug mibalik siya dayong hunong sa iyang tungod. Way panaganang giablihan ni Diego ang pultahan sa front seat ug misakay siya.

"Humota oy, lupigon man ko," matud sa nagmaneho sa sakyanan nga hamtong na nga lalaki.

"Kinahanglan gyud sir. Asa man ta ron?" sukot ni Diego nga nakahibawo nang daan nga kotse sa kustomer ang iyang gisakyan.

Usa ka call boy si Diego. Mababaye o lalaki iyang serbisyohan kun magkasabot sa presyo. Wa na siyay amahan kay namatay kini sa nagpanuigon pa siya og kinse anyos sa sakit sa atay kay palainom.

Ang iyang inahan nanginabuhi pinaagi sa pagpautang og mga alahas sa dihang nakapuhonan gikan sa gibayad sa insurance sa namatay niyang amahan.

Wa na magminyo ang iyang inahan kay nalingaw na sa iyang gamay'ng negosyo ug ballroom dancing.

Ug karong gabhiona usa ka mahuyang ang mogamit kang Diego. Nisud ang kotseng ilang gisakyan sa drive-in sa usa ka motel ug gisugat dayon sila sa usa ka attendant.

"With garage, Dong, may bakante pa?" sukot sa kuyog ni Diego.

"Yes, Sir. Naay daghan," tubag sa attendant ngadto sa kauban ni Diego nga milahus dayon pagpadagan paingon sa usa sa mga kwarto nga may grahian sa sakyanan.

Nanulod dayon sila sa usa ka kwarwto ug nag-iyahay sa paghukas sa ilang mga sapot nga way gibilin lakip na ang ilang underwear.

Mipahimutang dayon si Diego ibabaw sa kama ug misunod paghigda ang mahuyang sikit kaniya.

Sa bag-o pa si Diego sa maong trabaho lud-on siyang makig-uban sa sama niyang lalaki nga makighamag ibabaw sa kama apan naanad na lang siya nadugay.

Nagkalain-laing estelo ang kasinatian niya uban sa mga mahuyang nga mogamit kaniya. Magda kini sila og mga pagana sama sa jelly, butter, dugos ug uban pang ipaghid sa lawas ni Diego samtang maghigda siya.

Ug karong gabhiona may gibutang ang bading nga bugnaw'ng likido sa nagkalain-laing dapit sa iyang lawas gikan sa liog paingon sa ubos nga bahin. Gipasagdan lang kini niya hangtud nga naghamag silang duha ug natapos paglabay sa hapit usa ka takna.

Gida si Diego sa usa ka desenting kan-anan human sa ilang kombate sa motel ug gibiyaan tapos hatagi sa iyang bayad.

Nianang pagkasunod gabii, balik na usab si Diego sa iyang estambayan sa dan Colon. Medyo ngitngit ang maong dapit kay sirado na ang mga tindahan.

Taud-taod niyang tindog-tindog ug may mihunong nga usa ka taksi sa iyang tungod. May mikaway kaniya sa sud nga di sab niya maklaro kay wa pasigaa ang suga. Daling giablihan ni Diego ang pultahan sa taksi ug misakay siya.

"Kustomer na sad ni ug babaye. Matrona tingali," ni Diego pa sa iyang hunahuna. "Asa ta Mam?"

"Sa motel ta sa may Mabolo, dong. Pero yuna, morag sinati nako imong tingog, da," tubag sa babaye.

"Sinati sab nako ang imong tingog, Mam."

"Daan pa lagi ko. Ikaw gyud Diego. Mao diay ni imong trabaho nga gipanghambog nimong call center?"

"One word ra ang diperensiya, Ma. Boy ra, call boy ug call center. Maayo na lang kay sa pagpa-boy ko. Ikaw sad Ma, mao sad diay ni imong kalingawan?"

"Ay kog pangutan-a. Mamauli ta sa ato, karaho kang daku!" (Kataposan)