Lana sa lubi nga putot

Nagpatambal og binisaya si Lolo Andis sa pikas namong balangay. Kay may nahibudngan siya og sakit sa iyang lawas nga dili lang ordinaryong tambal sa mga doktor. Ang makapaayo kay bisan asa mi nagpahiling sa iyang sakit, sa doktor wala gyud maalim ang nuka-nuka sa iyang kalawasan.

"Undo Roy" ang tawag niya sa akoa. "Hala kuyogi ko Undo sa ilang balay ni Turyaka tambalan nga inila na ang iyang lana haplas kay makaayo kini sa mga sakit sama niining akoa."

Iya kung pinalangga nga apo. Kay molakaw kini dili gayud masipyat nga iya kung ikuyog kung asa siya molaag mora kog lingkit sa lubi dili mabulag.

Kung tua sa taho ug manghantak si Lolo Andis dili gyud sipyaton sa pagkaon ko og bibingka ni Magding Talina nga magpok-ong sa bato nga magpaabot ni Lolo Andis nga maharian sa pag-antog sa tulo ka dakoan nga antugon.

"Hala lolo kalayo diay ning ilang Nang Turyaka oy."

"Ay sos Undo agwantaha lang una para bitaw kini sa kaayohan sa imong apohan."

Ug diha na kami sa tugkaran sa ilang balay. "Maayong adlaw," nangatahuran mi. "Oy dayon Andis unsa bay akong ikaalagad nga nahisalaag ka man ning among lugar nga gadala ka man sa imong apo bisan pisot pa kana." Dayon katawa sa tigulangon nga si Turyaka nga nagpasiaw.

"Tur, kuan naa lagi ko kay magpatambal sa akong nuka," pulong ni Lolo Andis ngadto sa tambalan ug ako naminaw lang diha sa pantawan sa balay.

"Ay sos sayon raman kaayo nang sakita Dis," paraygon ang tingog ni Turyaka." "Paglana lang og putot sa lubi kanang wala gyud malakari og tawo o kaha sa buwan ha ihaplas ang lana Dis," matud ni Turyaka tambalan. Pag-uli namo sa among balay nagsire-sire gyud ming pangita og lubi putot para lanahonon ug ikahaplas sa nuka-nuka sa lawas ni Lolo Andis. Nadangtan og duha ka semana nakalaos na niyang nuka nga samad sa lawas ni Lolo Andis. Dako kaming pasalamat sa lanang putot.

Kay kung adto na kami sa hantakan daghan na motupad ni Lolo kay dili na kini ngilugan sa lawas nga napuno sa kagid o nuka, ug namalik kami ni Lolo sa ilang Turyaka para mohatag dakong pasalamat. Wala nalang ko mokuyog sa taas sa balay para motunol sa kwarta bugti sa iyang maayong tambal ug si Lolo akong gipaabot wala monaog. Asa naman si Lolo oy dugay lagi kapin nako sa oras nagpaabot sa silong.

Yuna pagod lilion sa giwang sa kawayan ... Oy, hala nasiga ang duha nako ka mata sa akong nakita nga si Lolo ug si Nang Turyaka hubo kini ang ilang sapot ug galigid-ligid sa sawog nga kawayan nga pinadulot sa romansa ug nagsinaw-sinaw pa kini ang kalawasan kay gihaplasan og lana sa lubi para matagamtam nila ang kinapungkayan sa himaya. Ug nakaingon ako sa akong kaugalingon nga maayo gyud diay ang lana sa lubing putot. (Kataposan)