Ang Tinagoan

Gula 50

(Kining maong nobela gibase sa matuod nga kaagi ni Dinah).

Sa makausa pa, nagmadaogon ang tentasyon. Misalir ang pag-seduce ni Dinah kang Padre Gio. Ingon sa hingpit nga nahikalimot ang pari sa gipanumpaan niya sa iyang bokasyon. Iyang gipatolan ang kainit ni Dinah.

Nagtambayayong sila pagbugtaw sa himaya nga gisabak sa daganasan sa ikapitong langit.

“Manggawas na ta dinhi,” matud ni Padre Gio human sa ilang pagtagay sa matam-is nga dugos sa lawasnong kalipay.

“Unya na,” mubong tubag ni Dinah. “Wa pa ko matagbaw sa hingpit.”

Si Padre Gio naingon sa usa ka kabaw nga nabusalan ni Dinah ang ilong. Kutob lang kini sa pagsunod kun unsay iyang gustong mahitabo.

Nasuta ni Dinah nga nagbaton og talagsaong power si Padre Gio. Taas kini’g endurance. Ug kini nakapasamot sa gana ni Dinah.

Ug ang maong hitabo nasubli sa makadaghan sa misunod nga mga adlaw. Si Padre Gio buot nang molikay sa hingpit kang Dinah. Apan si Dinah ang mangitag paagi nga makalugar sila. -- Sumpayan pa