Ang anak sa gawas

Nagsabot si Jayson ug ang iyang uyab nga si Jade nga magminyo na sila. "Jade gusto na unta ko nga magminyo nata kay nana man koy trabaho unya sakto naman ta sa edad," hangyo ni Jayson sa iyahang hinigugma.

"O Son kung maoy gusto nimo pananghid sa imong ginikanan kung kanus-a mo mamaye nako aron ilahang sabotan ang atong kasal," ni Jade pa nga nisanong sa iyahang uyab.

Tuod man nagdalidali sa pag-uli si Jayson sa ilaha aron iyang isulti sa iyang amahan mahitungod sa ilang plano ni Jade.

"Pa magminyo nako kay sakto naman ko sa edad," hangyo ni Jason sa iyahang Papa.

"Sige dong total stable ka na man sa imong trabaho nana man kay ikabuhi sa imong pamilya. Kinsa man ang swerteng babaye nga imong minyoan? pangutana sa amahan.

"Si Jade pa ang anak ni Ipang taga laing baryo.

"Ha!!" nakurat si Berto sa gitug-an ni Jayson nga babaye nga iyang pangasaw-on.

"Sus anak ayaw kana si Jade kay imoha kanang igsoon, anak ko kana siya sa gawas, wala kabalo ang imong mama ana."

Ug nasagmuyo pag-ayo si Jayson sa iyahang nahibaw-an. Wala siya’y nahimo iyaha gayod nga gibulagan si Jade ug nangita nalang siya og lain.

Gikahibalag niya si Elyn nga taga laing baryo usab maanyag usab nga pagkababaye ug bugtong anak ni Selma kay wala man siya’y bana ug pinaangkan man lang. Namisita gilayon si Jayson sa ilahang Elyn ug gitanyagan niya dayon kini sa iyahang gugma.

"Day Elyn tinud-anay kining akong gibati diha nimo gihigugma ko ikaw sa tibuok kong kinabuhi ug andam ko ikaw nga pakaslan sa tanang higayon," hangyo ni Jayson nga nagpanlad-ok sa laway nga nagsud-ong kang Elyn.

"Gihigugma ko man usab ikaw Jason," gidawat na nako ang imong gugma," tubag ni Elyn....

"Tinuod ka day Elyn... Salamat kaayo ug gusto nako nga magminyo kita dayon sa daling panahon."

"O, sige ikaw ang mag-igo," sanong ni Elyn kang Jayson.

Nianang pagkaugma nagpaabot si Jason ni Berto nga iyang papa sa kusina aron isulti ang iyang plano sa bag-o niyang hinigugma.

"Pa naa na koy babaye nga bag-ong hinigugma ug nagsabot na mi nga magminyo."

"Kinsa man anak?" pangutana ni Berto.

"Si Elyn... pa ang anak ni nang Selma."

"Ha!" ug sa ikaduhang higayon nahingangha na usab si Berto sa iyang nadungog..."Anak...pangita lang og lain kay dili kamo pwede ana, igsoon kamo anak ko kana sa gawas wala kahibalo ang imong mama ana."

Tungod sa kalagot ni Jayson sa iyang Papa nitug-an kini siya sa iyang mama.

"Ma, paita ni papa oy tanan nga babaye nga akong nauyab ug gusto nakong pangasaw-on pulos man nako igsoon kay anak kuno niya sa gawas. Si Jade ug Elyn diay, Ma, pulos diay na anak niya sa gawas," tug-an ni Jayson sa iyang Mama.

"Kung kinsa sa duha nga maoy gusto nimong pangasaw-on anak ... hala sige ... ipadayon, kay sa pagkatinuod dili kamo managsoon, kay dili ka tinuod nga anak sa imong papa kay mabdos na akong daan sa dihang nagka-uyab mi ug nagkaminyo."

Ug nabutyag ang ilang dugay nang mga tinaguan tungod lamang sa "anak sa gawas." (Kataposan)