Ang Tinagoan

Gula 31

(Kining maong nobela gibase sa matuod nga kaagi ni Dinah).

Nag-enjoy si Rex sa ilang pagtagay sa lawasnong kalipay, naglaom ug in good faith nga nalipay usab si Dinah sa ilang pagpinarayganay. Wala lang siya’y kalibotan nga dili siya ang unod sa hunahuna ni Dinah samtang sila nagtambayayong pagbugtaw sa unodnong himaya.

Ang lawas ra ni Rex maoy gigamit ni Dinah pag-angkon sa gipangandoy niyang kalipay pinaagi sa physical gratification. Ang naghingpit sa nasinati niyang pleasure mao ang pag-fantasize kang Padre Josh. Si Rex ang active partner niya sa sex pero si Padre Josh ang iyang passive inspiration. Ug enjoy siya sa maong sitwasyon!

May mga higayon nga makamatikod si Rex nga wala siya sa mood for love. Pero naningkamot siyang dili makasabot ang lalaki nga lain na unta ang gusto niyang ikapares sa sexual act, si Padre Josh. Dili siya gustong mahiubos si Rex kaniya. Dili siya gustong magkalalis sila.

Isip padre kura sa Santa Angela Parish, busy kanunay si Padre Josh sa daghang bulohaton. Dili man lang ang mga bulohaton nga may kalabotan sa simbahan ang iyang giatiman matag adlaw. Dako usab siya’g role sa pag-edukar sa kabataan sa lungsod sa Dalisay sanglit siya man usab ang direktor sa Santa Angela Academy nga gidumala sa kaparian.

Nakadugang sa iyang ka-busy ang iyang function isip director sa Santa Angela Academy. Kinahanglang mapalambo niya ang sistema sa pagpanudlo sa maong eskuylahan ubos sa iyang pagdumala, gawas sa pagpatuman niya’g value formation ug panudlong spiritual sa mga parokyano.

Sulod sa compound sa eskuylahan, may linain nga opisina si Padre Josh isip school director. Matag sulod niya sa iyang buhatan, namatikdan niya si Ma’am Faith nga mosulod usab ug makigsulti kaniya. Usahay si Ma’am Faith maoy motempla sa iyang kape. Nakamatikod ang pari nga lain og motibo ang maong maestra kaniya. -- Sumpayan pa