Rock and roll

GOLIAT: Noy Teban unsa toy ininglis anang mibarato na ang gasolina?

TEBAN: Rock and roll.

GOLIAT: Pataka ka lang da.

TEBAN: Unsa man diay shake rattle and roll?

GOLIAT: Na, samot.

TEBAN: Unsa man diay?

GOLIAT: Roll back.

TEBAN: Butangi.

Strike

TEBAN: Toribya naglagot ko.

TORIBYA: Ngano man Teban?

TEBAN: Bisag mibarato na ang gasolina wala gihapon mo-roll back ang plitehan maong mo-strike ta. Dili nata manakay og jeep.

TORIBYA: Manglakaw na lang ta.

TEBAN: Manglupad ta.

TORIBYA: Bayot.

Shampoo

PAPA: Hoy Teban mangasawa ka ba gihapon anang Toribya bisag hugaw na siyang pagka babaye?

TEBAN: Nasayop ka Papa ... limpyo kaayo na si Toribya. Kay gisabonan nako’g shampoo gi-shampoo nakog sabon.

PAPA: Unsa na ni oy ... tweeee.