Sukli sa utang

Sa laing higayon gisaw-an namo ni Alva ang kalalim sa lawasnong panagtagbo. Tugob sa kainit ang among pagpinarayganay. Gitupsan nakog maayo si Alva nga mipatagamtam nako sa kainit sa panaghilawas.

Human sa duha ka round ako nang giapura si Alva pagbiya sa gipuy-an namo ni Lotis. Dili ko gusto nga maabtan siya ni Lotis. Dili sab ko gustong magbaton og katahap sa lahi namong pagtinagdanay ang tag-iya sa balay. Nanagana lang ko aron dili na masubli ang eskandalo nga nahitabo sa balay nila ni Alva didto sa Grace Park sa Caloocan City.

"Mobalik ko ugma," mipasidaan si Alva.

"Ikaw ang mag-igo," nako pa. "Pero pag-amping gyod nga dili ta masakpan. Tingalig gisunodsunoran ka pa sa imong asawa."

"Nagtuo kong wa na siya magsunodsunod nako. Gawas pa, kada adlaw man kong molakaw aron pagpaningil busa dili siya mahibulong kun wala ko didto sa factory kun ugaling magsusi siya didto."

"Ibutang lang nato sa seguro ang atong mga lakang. Lisod na kaayo kun mabulilyaso pa kita pag-usab."

"Nahadlok ka ba diay kang Josie?"

"Nahadlok ngalan nga sad-an ko niya. Imo god siyang asawa ug bisan manag-agaw mi apan gisalohan ko siya sa iyang bana. Morag lain kaayong hunahunaon, di ba?"

"Hinuon, husto ka. Morag dili man gani ko makatuo sa sinugdanan nga makahimo ka pagtraydor sa imong ig-agaw nga akong asawa pinaagi sa pagtental nimo nako aron magdula ta sa kalayo."

"Tayming lang tingali nga type ko ikaw maong nabuhat ko kadto. Seguro, gumikan sab sa gibati kong naghingapin nga kahidlaw sa sex."

Unya mibiya na si Alva sa balay nga gipuy-an namo ni Lotis.

Nianang pagkaugma, gituman gayod ni Alva ang iyang saad nga mobalik siya. Alas dos pasado ang takna sa kahaponon nahiabot siya sa balay nga gipuy-an namo ni Lotis. Ako siyang gipasulod dayon sa kuwarto.

Wala mi mag-usik og panahon. Wala mobahar ang kainit sa among panaghilawas. (Sumpayan pa)