Sukli sa utang

 (Gula 80)

Misugod dayon pag-penetrate si Tyron. Gibilangkad ko’g maayo ang akong mga paa aron dili siya maglisod. Nabatyagan ko nga ingon sa midalhog lang ang iyang bawuno nga mitislaop sa akong kahiladman.

Misugod dayon pagsaka-kanaog si Tyron sa ibabaw sa hubo kong lawas nga ginuntan sa pagtutibugsok sa iyang bawuno sa akong buray. Hangtod nga akong namatikdan nga mikurog ang iyang lawas. Hapit ko mabiyai sa dihang misangko na siya sa kinapungkayan sa himaya. Maayo gani kay naningkamot kong makaapas ug nagkadungan gyud mig abot sa kinatumyan sa ikapitong langit. Mihari sa lawak ang among mga hinangos.

“Motuo ka’g sa dili,” ni Tyron pa human sa makutas namong kombate sa kama. “Ikaw ang unang babaye sa akong kinabuhi.’

“U-unsa?” Mao ray akong nasulti kay ingon sa dili ko makatuo nga mohagad siya pagtug-an sa maong kamatuoran.

“Mao kana ang tinuod. Ikaw ang una kong uyab. May mga crush ko sa una apan pulos basted ang akong naangkon. Mao nga sa higayon nga mangandoy kong makatilaw og kalipay nga lawasnon, modangop na lang ko ni mariyang palad. Mag-masturbate.”

Kakataw-onon ko sa iyang gisulti apan gipugngan ko lang ang akong kahimuot. Mibati na hinuon ko’g kaluoy niya. Karon ako nang nasabtan kun nganong morag nasagmuyo siya sa iyang pagkasayod nga dili na ko virgin. Gusto unta tingali niya nga sa unang tilaw niya sa himaya sa usa ka babaye, usa ka birhen ang iyang mabugha.

Apan unsaon man nga nakatumong man hinuon siya nako nga usa ka babayeng sayong namiga. Wala siya’y suwerte kay akoy iyang natumngan. Nasugamak hinuon siya nako nga wangwang na nga pagka babaye.

“Maayo gani kay imo kong gisugot,” nagkanayon si Tyron. “Ug salamat nga gipatilaw dayon ko nimo sa imong kalami. Kun wa pa, ambot lang. Hapit na ra ba ko magmahay kun nganong nagpatuli pa ko.”

“Saba diha,” nahimuot ko sa sagol komedya niyang gisulti.

Pagkilab sa pipila ka daklit, in the mood for love na sab ming duha. Subli namong gitagay ang lawasnong kalipay.

Sukad nga nagkauyab kami si Tyron, gipaninguha ko nga dili mag-conflict ang schedule sa panagkita namo ni Harold. Si Harold ang akong kuyogan ngadto sa motel sa adlaw’ng Lunes, Miyerkules ug Biyernes (MWF). Si Tyron sab sa Martes, Huwebes ug Sabado (TTHS). Domingo ray akong pahuway! – Sumpayan pa