Sukli sa utang

Gula 76

Si Harold ang akong nakitang prospect nga posibleng makatambal sa akong kahidlaw sa kalipay nga lawasnon. Busa, dihang misukna siya bahin sa gugmang iyang gihalad nako usa ka higayon niana sa among pagpanuroy, gidawat na nako ang iyang gugma.

“Tinuod ba kining imo, Editha?” Nakasukit si Harold nga daw dili makatuo nga gisugot ko na siya.

“Di ka motuo?” Giingnan ko siya. “Bawion nako ang akong oo.”

“Ayaw, uy. Mituo man ko nimo, ba. Wa lang ko magdahom nga sugton na ko nimo karon. Abi ko’g malugwayan pa ang akong pag-antos.”

“Giabot na ko’g kaluoy nimo, Harold. Dugaydugay na sab ang imong pagpaabot ug niini natugkad ko na ang imong kamatinud-anon maong gisugot ko na ikaw.”

“Daghang salamat, Editha. Salamat gyud kaayo.”

Ug morag dali ra kaayong mituyok ang ligid sa mga panghitabo. Niadtong tungora misangko dayon mi sa usa ka pribadong lawak. Didto mainiton namong gisaw-an ang dugos sa lawasnong kalipay.

Pero wala matambali sa hingpit ang gibati kong kahidlaw sa romansa sa usa ka lalaki. Maayong mo-perform si Harold pero mas superyor gayod ang performance ni Darwin. Ambas-ambas lang og performance sila si Harold ug ang namatay kong boyfriend nga si Rolando.

Mas nakabentaha pa gani si Rolando kay kang Harold kay dako man og bawuno ang akong ex-boyfriend nga mitaliwan na intawon sa laing kalibotan. Samtang ang kang Harold, pastilan...mora ra man intawon og siling kulikot kun dili pa mangisog. Gawas nga gamay, kuwang sab kini og height.

Ang kagamay sa iyang bawuno usa sab sa hinungdan nga dili ko matagbaw sa among panaghilawas. Bisan kapila namo subli-sublia pagtagay ang lawasnong kalipay sa unang higayon sa among pagsulod sa mabugnaw’ng lawak sa motel apan diskontento kaayo ko.

Tungod ba kaha kay ang nanang-unang mga lalaki nga miagi sa akong kinabuhi nga mao sila si Rolando ug Darwin pulos man dagko og mga bawuno maong dili ko matagbaw sa lalaki nga gamay rag dinala?

Pero giagwanta ko na lang si Harold. Maayo na lang ni kay sa wala gyud. Apan may mga higayon gyud nga makahinumdom ko sa performance ni Darwin sa kama sa higayon nga maghilawas mi si Harold. Kay dili gyud lagi makatagbaw ang performance sa bag-o kong boyfriend. -- Sumpayan pa