Sukli sa utang

Gula 69

Nagdungan mi si Darwin pagsatong hangtod nga misangko mi sa kinapungkayan sa himaya nga among gibugtaw. Ingon sa nanghugot ang akong kaunoran tungod sa gibati kong kalalim nga miulipon sa tibuok kong lawas. Nanginit pag-ayo ang akong bilahan.

Si Darwin sab daw sa mabugtoan sa gininhawa human niya ipasampak ang kataposan niyang hansak. Nahaumod siya sa makadiyot sa ibabaw sa naghayang kong lawas ug unya mipatighulog sa akong kiliran uban ang paghangos. Nahisama siya sa langgam nga naigo sa pagtirador nga nahulog gikan sa sanga sa kahoy.

“Pahimuslan ta ang higayon samtang dili pa ko mopauli sa Baao,” nagkanayon si Darwin dihang mihunas na ang gibati niyang kakutas. “Magkita ta kanunay kada adlaw. Kun tingklase na, panagsa na lang ta magkakita. Malagmit, kada Sabado na lang.”

“Paninguhaon ko nga magkakita gyud ta,” giingnan ko siya. “Pero dili ko makapaneguro nga kada adlaw gyud. Tingalig dili ko makahigayon kanunay. Usahay ra ba dili kalikayan ang mga kakulian.”

“Basta mangita gyud tag paagi. Kun dili mahimo nga mag-abot ta sa usa ka motel kay dili ka makalugar, akoy moadto sa inyo. Di ba kadaghan na man ni nako buhata. Taymingon lang nako nga ikaw rang usa sa inyong balay aron way kuydawo.”

“Bahala ka.”

Unya, sa laing higayon gitagay namo ang lawasnong kalipay. Gititi namo pag-ayo ang dugos sa himayang unodnon aron pagtagbaw sa among kaugalingon. Gitilok namo ang mga gutlo sa kalipay. Pagkahuman, nanggawas na mi sa motel nga among gitsek-inan.

Natuman ang gikasabotan namo ni Darwin. Kada adlaw gyud ming magkita. Usahay iatol niya sa kaudtohon ang pagsulod sa among balay ug sulod sa akong lawak, walay pagkapuol namong gitagay ang dugos sa lawasnong kalipay. Diha gani higayon nga diriyot mi masakpi ni Kuya Harvey nga takulahaw lang mipauli sa balay sa kaudtohon aron pagkuha sa iyang uniporme sa basketball. Maayo gani kay nakatago si Darwin sa aparador.

Kun mosulod gani si Darwin sa akong lawak sa among balay, ang sunod namong panagtagbo adto mapahigayon sa motel. Mao kini ang among routine. Among gi-alternate ang panagtagbo namo sa balay namo mismo ug sa motel aron dili kami daling mahinungan. -- Sumpayan pa