Sukli sa utang

Gula 67

Nagpadayon ang mainit namong pagpinarayganay ni Darwin. Tugob sa kalalim ang among romansa. Hangtod nga nakahukom ang akong boyfriend sa pag-penetrate sa akong pagka babaye.

Gipaspasan namo pagkatkat ang kinatumyan sa ikapitong langit. Dihang nagkadungan mi pagsangko sa pedestal sa kalalim, gisangpit namo ang ngalan sa usag-usa, daw buot ipatigbabaw nga naangkon namo ang katagbawan sa lawasnong kalipay nga among gisaw-an pagtagay.

“Pauli na,” giingnan ko si Darwin human sa makutas namong engkuwentro ibabaw sa kama. “Magkita na lang ta ugma.”

“Asa man?” nangutana siya.

“Sa plasa. Mga alas 10:30.”

“Sige. Maghinuwatay ta kun kinsay mag-una nato didto. Pero paninguhaon ko nga akoy maunag abot didto.”

Dihang nakalakaw na si Darwin, miadto ko sa kosina. Nakahunahuna ko nga maghikay og sayo sa among panihapon. Ambot ba, uy. Basta kay morag kondisyon kaayo ang akong hunahuna sa pagtuman sa naandan kong bulohaton sa balay. Malipayon man god ko nga nahibalik na si Darwin sa Iriga.

Nagkantakanta pa ko samtang nagluto. Igong nagsugod ang haponong balita sa telebisyon, nakompleto na nako paghikay ang tanan. Nagpaabot na lang ko sa pag-abot nilang Papa Augusto ug Mama Clemencia gikan sa among tindahan sa downtown.

Pagkaugma, hapit mi magkadungan og abot si Darwin sa plasa nga among gikasabotan nga adto mag-abot. Pagsulod nako sa plasa, nakita ko siya nga mao gyud paglingkod sa sementong lingkoranan duol sa usa ka fountain nga maoy naandan niyang hulatanan nako. Miduol dayon ko niya.

“Maniudto tang daan sa gawas,” misugyot si Darwin.

“Mag-agad ra ko nimo,” maoy akong tubag.

Naniudto una mi sa usa ka restaurant nga nahimutang unahan og diyotay sa plasa. Si Darwin ang migasto sa among pangaon.

“Nganong kuwartahan ka man kanunay?” nangutana ko.

“May suweldo man sab ko sa akong pag-abag-abag ni Papa sa talyer sa Philtranco,” mipasabot siya.

“Diay ba?”

“Mao kana.”

Mitibawas mig pangaon. Pagkahuman, nagkasabot mi nga mosulod sa usa ka mabugnaw’ng lawak. -- Sumpayan pa