Ang kabayo ni Wanning

Sukad uroy ikaw maminyo ni Milagring, Wanning, nag-apil-apil kana sa tari sa manok," sinigaak sa akong Mama Vista." Ang kanunay mo'ng giyampungaran ang sugal ra gyud sa buwangan wala kanay pagtagad sa kabilin nato'ng kabayo sa imong ginikanan."

Dili na kini madumdom sa paglawig sa tugwayan dihay sinigaak   ni Milagring nga miganay sa tibuok namong silingan sa balangay ning sityo melagro lungsod sa Toledo.

"Pasagdahi ko ninyo Milagring nga daw naadik  na gyud sa sugal, akong hunahuna kay ako kini kalipay nga kalingawan sa sabong sa manok malingaw gyud ko sa tari."

Basta gali akoa ginalam nga hiniktan pangandaman gyud na nako maoy pasumbalik sa akong asawa nga isog kaayo nga nagtan-aw nako nga wala akoy pakabana na kaniya ug sa among mga anak gasigi nalang ku’g hapyud sa hiniktan kabyara.

Ang among kabayo nawala sa iyang hikot kay naka putol sa pisi sa rinda ug tulo na ka adlaw namong pinangitaay nga wala na gyud ako magdahum nga makabalik pa sa maong lugar. Apan sayong buntag  paglili nako sa among payag nga binuhat lang og bulos sa kawayan ug gihimong sasa ang bungbong niini akong nakita nga ang among kabayo nahibalik na.

"Ha,"  nangangha ang akong asawa ug dako akong pagkahibulong.

“Mas maayo pa tingali Milagring nga ibaligya nalang nato kining kabayoa aron makakwarta ta," maoy sugyot nako sa akong asawa kay akong huna-huna nga naa koy puhonan sa tari sa manok.

"Hala bahala kana Wanning nayabag na gyud ka sa sugal sa manok," dihay sinigaak sa akong asawa nga masuk-anon kaayo. Gumikan sa kalagot ni Milagring wala nalang siya kapanapo sa iyang bilahan nakita ang dili mao.

Atong inigosyo ang halin," sagol ka kalma ang tuno sa akong tinubagan. Sa akong huna-huna nga kong madala si Milagring nga ibaligya dako dako na dyud ko ipuhonan sa tari kay naa raba koy giandam sa Three Cock Derby sa ilang kapitan Sisimo Virano.

Mao akoa gyud kumbisihon ang akong asawa nga mabaligya gyud ang kabayo kay mga kundisyon na raba kaayo ang mga hiniktan nga kabyara ang balahibo ug banawgan ang lawe sa ikog.

Tungang gabii kadto diin nagpunay nalang ug bunok ang makusog nga ulan gibati kami kagutom ilabi na nga ang among panihapon pulos lang tinughong nga bahaw kay walay bugas nga malung-ag.

Ug napugos gyud kining prenda ang kabayo sa among silingan para ikapalit og kunsomo sa akong pamilya apan ang uban halin maoy akong gipuhonan sa derby sa ilang kapitan kay lagi ang akong manok kasaligan gyud kini.

Sa dinha na sa derby ang akoa nang entry maoy ni sultada sa ruydahan ug ako gyud ni buhi sa manok.

Disyestyyyyy ... disyestyyyyy ug gibadbaran na nako sa bayna ang buwang dayong buhi sa dihang nag-abot na sa kontra sa akong manok nahasiga ang duha nako ka mata kay ang akong kabayo may niatubang sa kontra ug tagsa ra ka tikdol patay ang kontra sa akong manok ug walay lain nga nakakita gawas nako og na champion ang tulo ko ka manok ug didto nakahunahuna nga may abilidad gyud ang akong kabayo nga na prenda kay tagsa ramay lamparo sa tagulilong kong kabayo, ug didto gilukat dayon nako ang kabayo sa among silingan nga naprenda kay naghimo man siyag milagrong dili tukib nga buhat. (Kataposan)