Barkadista si Berta

Sa dihang misulod sa kaminyoon si Berta nahunong ang pagkalaagan niining bayhana tungod kay iyang nabana igihan kaayo sa mga higala. Kay kini man gud si Berta sa dalaga pa, ay sos kalaagan barkadista babaye o kaha malalaki matangka kini sa lamisa nga moatubang sa baso nga ang sulod niini makahubog nga ilimnun.

Ang ginikanan nga si Pekta ug Bertohuy nakapasalamat nga sa iyang nabana nga si Medyong nga wala po'y paglubad-lubad ang kalibat niini mao tingali niaghat og punit ni Berta aron lang pud siya maminyo kay daghan naman siya gipangulitawhan pero wala may nisugot. Si Berta ra man pud ang nakaako sa pagdawat sa gitanyag nga gugma.

Sa dihang si Medyong nananghid sa iyang asawa nga si Berta nga manarbaho siya sa Manila para unya sa ilang mamahimong umaabot nga anak puhon wala gayud mobalibad si Berta niuyon gayud kini sa mahitabo pero sa wala pa kini molarga ila una gitagbaw ang ritwal nga kaminyuon gisaw-an nila ang dugos sa himaya. Pero nilarga nalang sa iyang trabaho si Medyong wala pa kini timailhan nga nagsabak ang iyang asawa, "babay Medyong pag-ayoayo ha, ipadala gyud ang imong suweldo nako," pulong sa asawang si Berta.

"Oo ikaw pud dinhi ayaw pagbalik sa imong barkada ha, Berta," tubag sa naulahi.

Pipila ka mga adlaw o bulan nakadawat na kini kuwarta si Berta gikan sa iyang bana nga libat.

Ang nakapait lang kay nibalik kini sa iyang bisyo si Berta ang magbarkada. Magpunay lang abot diha sa ilang panimalay ug magpaduwa og pitsas, baraha ug kinsay makadaog mag-inom diha sa balay.

Ang ginikanan ni Berta nagproblema kay basin mahibaw-an sa iyang binuhatan sa iyang asawa. Gisuwayan kini pagbadlong apan dili kini mamimaw.

"Sigi tagay pa ta." Ang mga sinigaak sa mga barkada ni Berta diha sa ilang balay. "Sigi akoy bahala" kay dako ang napadala sa akong bana.

"Hala tagay pa." Namauli na ang uban barkada ni Berta ug ang nahibilin mao nalang ang kanhi niya uyab-uyab sa dalaga pa kini ug sa diha mismo sa ilang kuwarto sa iyang bana nga tua na karon sa layong dapit nga nagtrabaho ilang gilimbongan.

Si Berta nga gihidlaw sa karne hilaw maoy nisawsaw sa nag-uros-uros nila kainit sa pagbati sa himaya ilang gitagbaw ang lawasnong kalipay. Pipila kaadlaw o bulan ang nakalabay nagbunga ang gisaw-an nila gitawag og ikapitong langit, nagburos kini sa bunga sa pagluib  ngadto sa iyang bana. Pag-uli sa iyang bana maoy nalay naabtan sa ilang balay nga ang iyang asawa nagtabyog sa bag-o pa kaayong nahimugso nga bata diha sa duyan bunga sa iyang pagluib sa iyang bana. (Kataposan)