“Incubus”
Gula 42
Naintriga ko’g gamay sa ulahing gisulti ni Papa Gustavo. Wala kaayo ko makatugkad sa lintunganay nga hinungdan nganong nakaingon ang akong amahan nga bulahan kaming mituo sa folklore kay sa mga tawo nga wala motuo niini.
“Nganong nakasulti ka man og ingon niana, Papa?” Gipangutana ko siya.
“Tungod kay makamao tang mosulbad kun makabaton kita’g problema nga naglambigit sa nonphysical forces,” mipasabot si Papa Gustavo. “Kun ang mga tawo nga wala motuo og folklore maoy mahingtungdan sa maong problema, dili sila makasulbad niini kay wala man sila motuo nga dunay mga butang nga lisod tugkaron sa innate moral sense. Dinhing bahina, mas nakabentaha ta nila.”
Unya mitipas na sab sa laing tema ang among panagsulti. Hangtod nga nahisgotan namo’g balik ang bahin sa kaminyoon namo ni Dirk. Giapura mi nila nga magprodyus dayon og liwat. Excited gyud sila kaayong makakita sa among anak.
Human sa paniudto, namiya mi si Dirk sa balay sa among mga ginikanan. Nag-window shopping mi’g kadiyot sa
“Prepare yourself, Sweetheart,” giingnan ko ni Dirk samtang nag-ilis ko’g sapot nga pangbalay sulod sa among lawak.
“Ngano man?” Wala koy ideya kun unsay buot niyang ipasabot.
“Nalimot kas gisulti nilang Papa Gustavo?”
“Ang hain niadto?”
“Nga atong paspasan aron makaliwat dayon ta.”
“Buing!”
Tuod man, dihang nagmingaw na ang kalibotan, milihok dayon si Dirk. Misakay siya nako ug among gitaak ang ikapitong langit. Hasta sa kapila namo subli-sublia ang pagtagay sa dugos sa lawasnong kalipay. Kanunay kong makasinati og multiple orgasm tungod sa kahanas ni Dirk nga mokontrol sa iyang ejaculation. -- Sumpayan pa
- Latest
- Trending
