Incubus

Gula 23

Mitimbakuwas pagbangon si Dirk taliwala sa mainiton namong pagtagay sa dugos sa lawasnong kalipay. Lakip ko nahatimbakuwas sab pagkakita sa iyang gikatingad-an nga maoy hinungdan sa iyang paghunong. Ang lampshade nga gibutang sa ulohan sa kama gibalhin ngadto dapit sa bentana samtang nag-perform kami si Dirk. Apan wala kami nakita nga unsa mang bayhon sa linalang nga maoy nagbalhin niini og nahimutangan.

“Kahibulongan,” nakatuaw si Dirk.

“Ngano man ni, Dirk?” Uban sa kahisagmuyo ang akong pangutana. “Nganong mora man og gihamok ang atong pagpuyo?”

“Ambot lang, Ingrid. Wa koy ideya mahitungod sa mga panghitabo nga atong nasaksihan karong gabhiona.”

“Wa diay moepekto ang pagbendita ni Padre Ejara sa atong balay?”

“Dili ko makatubag nianang pangutanaha. Aw, tingali. Pero posible sab nga lain nga katarongan ang hinungdan niini.”

“Hmm, a-ambot. Maglisod ko pagpasabot nimo. Karon pa ko makasugat og mga panghitabo nga ingon niini. Naglibog ko, Sweetheart.”

Kay pareho na man ming naglibog si Dirk, giputol na lang namo ang paghisgot sa mga panghitabo nga among nasaksihan nga nakapahibulong namo. Nawala na sab angamong gana sa panaghilawas tungod sa hitabo nga nakadisturbo sa among konsentrasyon. Maong nagkasabot ming mangatulog na lang. Nagpauraray ko sa mga bukton ni Dirk. Bisan gubot ang akong hunahuna apan gipaningkamotan kong makatulog.

Nianang pagkakaadlawon, namukaw si Dirk nako. Gusto kuno siyang mosawsaw. Wala ko mobalibad. Gawas nga obligasyon ko kini ngadto kaniya isip iyang asawa, kalipay ko usab ang among panagsawo sa kalipay nga ikadulot lamang sa panaghilawas.

Tuod man, mi-score gyud mi si Dirk. Sawsaw to the max ang iyang tirada. Napuga gyud ang hagkot ug pilit-pilit nga singot sa kaadlawon.

Sumpayan pa