Dula sa pangandoy ug panimalos
Nakugang ang mga kauban mong Japayuki sa hinanali mong hukom,
"Mas maayo hinuon," nagkanayon si Cristy. "Delikado ang imong kahimtang dinhi karon nga nalambigit ka sa mga sakop sa Yakuza."
"
"Mao bitaw'ng mopauli na lang ko sa Pilipinas bisan dili pa unta karon ang tukmang panahon," matud mo pa. "Dili na ko komportable sa akong pagtrabaho sa Cloud 9 Karaoke Bar tungod nianang mga sakop sa Yakuza nga nakursonada nako."
"Unya," misagbat si Norie. "Mosugot kaha si Takeshi nga mosibat ka na nga wala pa man matapos ang imong kontrata sa club."
"Ako nay bahalang makigsulti kaniya mahitungod niana," maoy imong tubag.
Tuod man, nianang pagkagabii, misulod ka sa club, dili aron mo-perform, kondili aron makigsulti kang Takeshi. Nagplano kang hangyoon ang club manager nga ihatag kanimo ang imong passport nga iyang gihuptan. Giplano mo nang daan ang imong igsusulti kaniya aron makombinser mo siya. Patuohon mo ang manager nga nasakit ang imong amahan ug kinahanglang makapauli dayon ka sa Pilipinas.
Apan wala pa gani nimo ikapadayag ngadto ni Takeshi ang imong tuyo, miabot si Yukiko uban ang duha ka bodyguard ni Zen. Ug ikaw ang ilang tuyo.
"Big Boss wants you again," nagkanayon si Yukiko.
Wala ka motingog,
Nakalitan ang Hapon sa imong gibuhat. Unya, wala gihapon siya makabantay dihang mao na usay imong gilabnot ang panyo nga gigunitan niini aron itabon sa baba niini. Diriyot mo wala kapugngi ang pagbahakhak dihang imong nakita nga nanglambi ang ngabil ug ilong ni Yukiko. Napangag usab ang iyang ngipon sa atubangang bahin.
"What happened to you?" Gipangutana mo si Yukiko.
"Big Boss tortured me," maoy iyang tubag. (Sumpayan pa)
- Latest
- Trending
