Dula sa pangandoy ug panimalos
Hangol sa sex si Zen apan dili siya sama ka agresibo kang Yukiko. Dili sab siya sama ka taas og lahutay ni Yukiko sa dula sa kama. Namatikdan mo kini, Jamaica, sa iyang pag-angkon sa imong pagka babaye. Duha ra ka round ang naabot niini ug nakatulog na. Mihagok kinig maayo sa imong tupad. Lahi kang Yukiko nga hasta sa kapila niini subli-sublia ang pag-angkon sa imong pagka babaye.
Dili sab sadista si Zen. Wala niya buhata kanimo ang sama sa gihimo ni Yukiko. Wala ka bun-oga ni Zen. Ang pagka babaye ra gyod nimo maoy iyang tuyo. Wala ka makatagamtam bisan kusi na lang gikan kaniya. Niini, misantop kanimo ang kahimatngon nga dili diay tanang Hapon salbahis bahin sa sex. Bisan ang usa ka membro sa Yakuza romantiko diay gihapon kun makigpinarayganay sa usa ka babaye.
Dihang nakatulog na si Zen sa maayong paghinanok, nakahunahuna ka nga mogawas na sa lawak aron makapauli. Apan wala mo ihinayon ang imong plano dihang nahinumdom ka nga may mga badigard ang Hapon nga nagbantay sa gawas sa lawak. Nasagmuyo ka. Ug gihulat mo nalang nga mahigmata ang Hapon nga gikapoy human sa duha ka hugna ninyong kombate sa ibabaw sa kama. Mitan-aw ka na lang og salida sa TV aron paglabay sa mga takna. Wala kay ideya kun kanus-a pa momata ang Hapon.
Galante si Zen. Usa ka dakong putos nga gisudlan og yen ang iyang gibayad kanimo sa iya nang pagmata. Bugti kini sa imong pag-alagad kaniya, Jamaica. Gipahatod ka pa gyod niya sakay sa limousine ngadto sa flat nga imong gipuy-an.
"Abi namog may daotan na sab nga mahitabo nimo," nagkanayon si Maan sa imo nang paghiabot sa flat. "Nabalaka mig maayo."
"Salamat sa Dios," matud pa nimo. "Di diay tanang Hapon dagmalan."
Mokabat sa P50,000 kapin kun kulang sa salaping Pilipinhon ang yen nga gibayad ni Zen kanimo,
"Molukat na kog ticket sa ayroplano pauli sa Pilipinas," giingnan mo ang mga kauban mong Japayuki. "May natigom pa man sab kong kuwarta sa akong kinitaan sa club. Dili na ko dinhi sa
- Latest
- Trending
